حبيبتي مصونات ربي يتمملك على خير ويهنيكي بحياتك القادمة ويسخر لك زوجك ويسخرك له

خلينا اول شي نتفق حبيبتي لتكمل سعادتك وفرحتك شيلي من بالك زوجته واولاده وادعيلهن لرب العالمين يعطيكي اضعاف ما دعوتي
ولا تفكري فيهن ابدا انسي انو متزوج غيرك

اما بالنسبة للتجهيزات حاولي تجيبي هدية صغيرة لزوجك رح يفرح فيها ولو كانت شي رمزي
وجيبي ثياب للبيت خفيفة ومريحة وناعمة ومن الاسواق العادية
للصراحة انا ما بفكر بالماركات ابدا صحيح بجيب مرات بس مش دايما
بيهمني الشي اللي بيعجني اكتر من كونه ماركة
وكرمال الميزانية جيبي شي حلو وناعم ومن دون تكلفة

اهم شي عطر وكريمات للايدين وزيت للشعر مع معطر وادوات التجميل كحل وروج وماسكرا واذا بتحبي بودرة
وادوات العناية والنظافة

ملابس النوم جيبي كم قطعة وبتذكر انك قلتي بعدو جهازك او انا ملخبطة مع حدا تاني
فاذا كان بعده بحس الموضة من عشر سنين بعدها متل اليوم فشوفي الاشياء المنيحة وارجعي استعمليها

وشي فستانين للمناسبات
ما تكتري ثياب واغراض ان شاءالله كل سنة بتجيبي وبيزيد عددهن
بس وقت الحاضر مشي حالك بهالملبغ وان شاءالله فيه البركة

المهم حبيبتي خليكي متفائلة وارسمي حياة حلوة لقدام

دعواتي ترافقك

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه