موضوعك اخوي له كذا جانب
اولاً بخصوص البنت اللي تتكلم عنها الله يستر عليها ولكن اخوي باي صفه تكلمك وتاخذ وتعطي معك بالكلام؟
يعني بصراحه اللي تتجرء وتكلم رجال غريب لايقرب لها ولاهو محرم لها ماتعتمد عليها وتروح شغلك وانت متطمن طبعا انا مااقول فيها شي ولكن مجرد انها كلمتك معناته انها منفتحه زياده عن الزوم

ثانياً بخصوص المصاريف
اخوي الزواج يبي له قدره ماليه فـ القدره الجسديه وحدها ماتكفي عشان تفتح بيت
موضوع حفلة الزواج والمهر وغيره هذا ممكن تدبره ولكن مابعد الزواج
هل انت تقدر على مصاريف الزواج؟

عندي لك رأي ليش ماتجلس مع اخوانك وتطلب انهم يساعدونك على مصاريف اهلك

لا بالعكس اخي بارك الله فيك الانسانة ملتزمة دينياً بحد كبير وطريقة معرفتي بها ذكرته للاخ شاطى الراحة وكان عن طريق احد الموقع وكانت طارحة موضوع وطالبة من خلاله انجاز عمل معين بمقابل بحكم انها كانت تحضر دبلوم دراسات عليا ونفذت لها العمل اللي طلبته ومن هنا بدأ التواصل وكان كله علمي ومن فترة ليست طويلة ولكن قدرت خلالها اعرف طريقة تفكيرها وطباعها يعني قدرت اكون فكرة بسيطة عنها ولكن ما ابي اقدم على شي بدون ما اخذ رأي ومشورة الغير .

بالنسبة لمصاريف الحياة ما بعد الزواج الحمد لله قادر عليها بالكامل ولكن الصعوبة في فتح بيتين مستقلين كل واحد له مصاريفه ومتطلباته !

للاسف اخواني الاكبر مني كلهم نساء ومتزوجات وغير موظفات ومن الصعب انهم يتكفلو باي مبالغ مالية وصعب اي احد يطلب منهم شي بحكم كونهم نساء ، بالنسبة لاخي الاكبر عنده عائلة وابناء وانا اعرف انه مو بمقدوره المساعدة ابداً وهذا ما يعني انه ما يقدم شي بالعكس وقت ما يكون عنده اي امكانية ولو بسيطة يبادر تلقائياً بدون طلب ويقدم .