رد: إنجرحت منه ، وخايفه يكرر غلطته
مساء الخير
اشكر كل شخص رد علي وحاول يساعدني
بس انا للان مو عارفه كيف اتصرف وربي مو عارفه شلون اعاقبه واخليه يراجع نفسه
ويفكر مليون مره قبل لايعيد نفس الغلط ويحسب نتائج افعاله
انا بيت اهلي من 3 ايام نزلني وراح منطقه دولمه وانا رسلت له رساله طويله وبعدها قفلت جوالي
وماكلمه ومادري عنه ولا يدري عني
يعني اقول بنفسي يوم اني كنت اهتم فيه واسال دور غيري
بيفرق اذا ماسالت
اذا براسه شي بييسويه مابيفرق
مدري شسوي ابي ارتاح من التفكير فتره
اغلب الي ردو يلوموني على برودي وليني معاه
طيب انا عارفه انه هااشي غلط وبيخليه يتمادى
بس انا على نياتي فكرت انو بيحس على دمه وضميره بيأنبه
اساسا انا تربيت بيت اهلي ابوي يصارخ ويعصب وامي ماتقول كلمه
صارت لي عقده ماحب المشاكل ماحب الصراخ
وامي دايم قاعدتها لنا الرجال مهما سوا المره هي الي تضحي وتحافظ على بيتها وعيالها
ممكن هالشي هو سبب الي انا فيه
انا مابي طلاق وماتخيل حياتي بدونه
بنفس الوقت ماتحمل زوجي يكون بالصوره هذه ونفسيتي ماتتقبل شخص كذا
غير كذبه الي ماله اول ولا اخر
والله مره قالي انه تعبان وبينام ومايقدر ياخذني
وطلع انه بوقتها ماسك خط للبحرين اخر الليل شيسوي بالله هناك
الف فكره وفكره جات ببالي الله المستعان
ولما واجهتته قال رايح ييشوف فلم ويعسل بجزيره امواج طيب اجل ليه اللف والدوران ؟
والله العالم صدقه من كذبه
وانا ماعلم الغيب ايش سوا ولا اقدر اظلمه بس انه قلبي مارتاح لكلامه ابدااا
وقتها بهالسالفه هذه بالذات انا انفجرت وطردته وقلت له مابي اشوفك واهو فعلا خاف
لان اول مره يشوف مني هالتصرف بس شالفايده تمسكن علي اقنعني بكم كلمه وسكت
وماخذ شهر من هالسالفه وكملها بمكالماته
مدري بيرتاح اذا انجلطت منه ؟
الحين بفهم زوجي نفسه دنيئه وانا مابي اصدق ؟
14-07-2016, 03:46 PM
ضوابط المشاركة
العرض الشجري