كلامك هذا بصراحه راح ينرفز ابرد رجل في العالم .. يعني اثنيتي على صديقه وموقفه الرجولي وزوجك كان عكس هذا ... يعني موقفك مب رجولي ومالها اي تفسير ثاني !!!
في بينكم حرب بالتجريح في الكلام .. مقصووده .. هو يقولك انتي كذابه ونكديه وانتي تردين عليه موقفك مب رجولي وتزيدون النار حطب !!

اخوي خالد
تخيل تقول لزوجتك انك رحت السوق مع صاحبك
وهو اشترى طقم ذهب هديه لزوجته
وردت زوجتك: ونعم الرجال.. بختها فيه الله يهنيهم

انت هنا بتعتبر ردها قلة ادب وتطاول
وتثور وتشتم وتجرح فيها وتقفل الخط
وتتركها ببيت اهلها وانت لك ايام تاركها بحجة السفر؟

ما اعتقد
عالاغلب بتضحك والا بتقول ايش وهقني اعلمك
لكن الزوج الحاقد بيشوفها فرصه لمشكله جديده

زوجي انصدم لما شافني تركته يسافر ويهيص
واستقبلته بشوق والحمدلله عالسلامه
ينقهر من هالمواقف ويقول: ماراح اخليك تركبيها جميله

قام عمل مشكله من لا شيء
حتى يحسس الناس اني زعلانه من سفرته
اللي مايعرف تفاصيل اللي صار بيتوقع كذا
سواء من اهلي او اهله
وهذا لؤم كبير منه وظلم واجحاف بحقي
لكن الله يعطيه على قد نيته

لاا انا مو مجنون اقول لزوجتي صديقي اشترا لزوجته ذهب وافتح على نفسي باب ههه ..
ثانيا زوجتي تمدح صديقي بأين كان ها الشي راح يزعلني ويضايقني .. وتختلف ردات الفعل من شخص لأخر .. لانه الزوج ما يرضى حد يقارنه باحد ثاني .. نفس الزوجات ونفسك ما راح ترضين لو مدح وحده من صديقاتك وقال عنها ونعم فعلا هذه هي الزوجه !! .. نفس الشي ..
بعدين بالحديث مع الرجال ابعدييييييييييييييييييييييييييي عن موضوع الرجوله انفري منه .. لو قلتي ونعم الزوج كان بتكون اخف عليه .. ولكن هذه الرجوله .. ذي شتيمه عندنا .. حتى لا ما كنتي قاصده الرجوله .. بس هي تؤخذ على هذا المنحى ..
الغريب اني متابع لك موضوع سابق ونرفزتي زوجك بنفس الكلمه .. والان تردين مره ثانيه ..
ولا تفهمين من كلامي اني قاعد الومج لا والله .. هو غلطان وستين غلطان بعد ..
لكن هو ذكي وفاهم كيف يقلب عليكي الطاوله .. وانتي اكلتيها للاسف .. لانه يدري بكل الاحوال انك راجعه راجعه له .. لاا وفي الاخير انتي اللي بتعتذرين ..
حاولوا توزنون كلامكم قبل يطلع .. لانه الكلام اثره اشد من حدة السيف ..
مشكلتكم لعناد والتدقيق على اتفه الامور ..
يعني متى راح تعيشون حياتكم .. !!

سؤال .. انتوا ليش مستمرين مع بعض الى الان ؟؟