المشاركة الأصلية كتبت بواسطة -مسك الليل-

سمورة انتي قلتي انو يوم العيد، لما انفتح موضوع الورث بالبداية، انتي واختك كنتو ساكتين،،

قلتي انهم اخوانك بيناتهم تهاوشو وماظل الا يتذابخو..

هذا كله قبل نا يجي دوركم انتو البنات...

خلي هذه كمان حجة لمواجهتهم ( انتي طبعا مو محتاجة حجج هذا حقك وبتاخذيه).. لكن بما انك تبغي تاخذي وتعطي معاهم ذكريهم بهواشهم بالعيد..قولي انتو بيناتكم اساسا مو مفاهمين.. ومايصلح تشتركو من الأساس،، وانا ماراح احط رزقي بايدكم وانتو بتتذابحون بيناتكم ( الاخوان)...

ورجاءا وقفي مع اختك ولا تخليها تغلط اضغطي عليها بكل الطرق... مجرد امضاء منها وكلشي راح اغصبيها لو اقتضى الأمر،،هذول حتى ما بدهم ياخذو حصتكم ويسجلوها بالشركة باسمكم... انتبهي الله تعالى يقول " فاكتبوه صغيرا او كبيرا"..

بكره اي شي يصير انتي مسؤولة لا تقولي اخواني السبب ضغطو علي،، انتي مراة كبيرة وعاقلة وفيه قانون ماتلومي الا نفسك.

المشاركة الأصلية كتبت بواسطة النورس الطائر

اختي سمورة
بصراحة استفزني الموضوع جداً..
لازم تعرفي انو الموضوع يحتاج قوة أعصاب وحزم مع الكل..

قسمي المواجهة لمراحل..
أولاً: طالبي بحقك كامل مكمل وحتى نصيبك في البيت لا تتنازلي عنه اذا ما باعو البيت، حتى تكون لكي حجة انك تجلسي فيه اذا ما زانت الأمور مع زوجك.
ثانياً: حطي خطة وأعلنيها للكل كيف بتتصرفي في الفلوس، اما مشروع خاص أو عقار اذا كانت الفلوس تكفي وهو الأفضل، يعني قوليلهم بشتري عقار وبسجله بإسمي وزوجك إذا مو حاب يسكن فيه براحته خليكي ساكنة عنده لأنه هذي مسئوليته.
ثالثاً: بالنسبة لمشاريع أخوانك بعد تقسيم التركة، وبعد شراء العقار اذا بقي شي ممكن تدخلي معاهم في مشروعهم ولكن بشرط أن تكون شركة رسمية وأن تكتب حصتك بإسمك.
رابعاً: استعيني بعمك في موضوع اخذك لحقك وفي موضوع شراء العقار حتى لا يضحك عليكي أحد.
خامساً: زوجك فهميه أنه ممكن يستفيد من عوائد العقار ولكن مستحيل ينكتب بإسمه لو صار عشر نسخ وخليكي ثابتة في موقفك.
سادساً: تحصيل عوائد العقار لازم ما تكون بيد أي واحد من أخوانك أو زوجك، ممكن تكون بيد عمك لو واثقة فيه، أو تستعيني بشركة إدارة أملاك يأجروه لكي ويودعو المبلغ بحسابك.
خامساً: صدقيني لو تنازلتي عن حقك لأخوانك أو زوجك راح تندمين ندم شديد، لأنو بانت نواياهم من الحين ولا تمشي ورا سراب ترى الكتاب باين من عنوانه.
سابعاً: لا تطلبي الطلاق، وإذا كان زوجك طمعان ومافيه خير راح يطلق من نفسه اذا شافك مصرة على موقفك، واذا تراجع خلي موقفك قوي وثابت.
أخيراً: اذا اخوانك وزوجك ما استحو انهم يتخذو موقف قوي وثابت في انهم ياخذو حقك أو يتحكمو فيه كيف بالله تستحي انتي او تضعفي في اخذ حقك؟

تحياتي لك وربي يوفقك.