سمورة لا تقهرييييني .. واي حدي محترة وآنه ما لي خص
منبطه جبدي..

شوفي اول خلاص قررنا ان اللي تهمنا سمورة لان امبين والله اعلم كلهم عينهم على نصيبج انتي واختج .. تمام ؟؟
على هذا الاساس نشتغل..
آنه محامية بس مع الاسف ما عندي اي خلفية عن قانونكم..
لكن خل ارتب لج القضية مثل ما يرتبها اي محامي .. تمام ؟!!!

ركزي معاي رحم الله والديج ... كوني مرررررتبة
خطواتج مدروسسسسة
واضح انج حاليا معصبة انتظري تهدئين
كوني واثقة
متأنية...
تمام ؟

آنه كمحامية مو وظيفتي فقط ان ارفع لج قضية في المحاكم واتابعها .. وظيفتي تبدأ ما قبل القضية وهو مساعي الصلح تمام ؟

- زوجج حطيه على جنب حالياً ، اعتبري نفسج غير متزوجة ، و كل ما شفتي عيالج اسم الله عليهم قولي بخاطرج هذيل اخواني الصغار مو عيالي .. يعني انسي انج متزوجة هاليومين .. طنشيه حبتين .

2- تجمعين اخوانج ، تكلمينهم ، اخواني آنه احبكم ووو إلخ ياليت الفلوس ما تفرقنا ، بس الله يرضى عليكم ابي حقي ، مو حابه ادش اي مشروع حاليا ، مستقبلا ممكن ليش لا ...
الردود المتوقعة شنهي ؟
- انسي ان عندج اهل / انتوا اهلي و مالي غنى عنكم بس اذا تبون تتركوني عشان موضوع الفلوس فبراحتكم الله يسامحكم بس ابي حقي
- ما راح تدشين هالبيت / مع ان ما ودي نوصل حق هالمرحلة بس اذا عشان الفلوس بتبيعوني فبراحتكم .. بس ابي حقي

3- في حالة ما نجح هالكلام .. اصبري جم يوم و ردي قولي لهم ياريت تعينون محامي يتولى امر تقسيم التركة حسب شرع رب العالمين...
اذا رفضوا حاولي معاهم بالطيب / بس لا تكشفين خطواتج الياية لا تقولين لهم راح اكلم عمي ولا راح اكلم جدي

4- حاولي محاولات اخيره بعد فترة

5- الان في هالخطوة .. ابتعدي عن عاطفتج تماما .. اختاري العم القوي اللي عينه مليانه .. اللي له تأثير على اخوانج و كلميه قولي له ان من بعد رب العالمين الله وفقني و جيتك ابيك تساعدني وتقولين له اللي صار من اخوانج و زوجج وشوفي شنو حكمه


لما تسوين هالخطوات تعالي نقول لج الباقي...
كوني قووووية


بخصوص المحامي برأيي توكلين محامية افضل - اذا كان وضع المحاميات ماشي عندكم

__________________

حاجة الناس إليكم من نعم الله عليكم ، فـ لا تملوا النِعم ☁✨