اختي فجر

كيف مشاعر فجر الهوى اللي بداخلك الان؟

كيف شايفة الحياة ماشية معاكي؟

وايش تخطيطك للمستقبل القريب والبعيد؟

__________________

اسئلتك صعبه بس بحاول اجاوب عليها

مشاعرى غير مستقرة متذبذبه. مرة احس انى مبسووطه كتيير باللى وصلت له
و انى تخلصت من جزء كبير من خجلى تقريبا 70٪ و باقى جزء مو مسيطرة عليه
مرة احس انو فجر هيا فجر ماتغيرت او بشكل دقيق تغيرت لكن ماستقريت لسا
فجر دحين مزعوجه من وضع الصغار ووضعها و بصراحه احس فشلت بحياتى الزوجية
و صعبان عليا وضع الصغار .

تخطيطى للمستقبل القريب الحمدلله تقريبا ماشيه امورى و ماما ساعدتنى بوظيفتى
صارت اقرب و اولادى عندى و قاعده احاول اغير من نفسي .

المستقبل البعيد بجد احاول استقل ماديا و يصير لى حياة مختلفه بكافة اشكالها
بصير زى ماما باستقلالها و الصغار يكون لهم مستقبل و مستقلين و الاهم مايكونوا زيي
و خاصة عسل ..

فجر
اذا انتي وحيدة امك
مافكرتي ترجعين لأبو اولادك وتكونين عند أمك
بحيث تكونين قريبة من أمك واولادك ماينحرمون من ابوهم..
بنفس الوقت احس 6اطفال كلهم تحت ال6سنوات صعبة عليك لحالك
ماشاء الله الله يحفظهم ويعينك بس انا 3ومتباعدين وانا مو بعمرك وتعباانة منهم ربي يحميهم ويحفظهم لي ويحفظلك ماعطاك..

فكري واعرضي الفكرة على امك..

لا مو وحيدتها .
و مافكر ارجع و ابقى عند ماما . اهانة ليا كدا ما ارضاها على نفسي .

طيب يوم فكرتي تتطلقين ما فكرتي في كل هاذي البهذلة الي انتي فيها

فكرت بالبهدلة إللى راح أكون فيها لو ماطلقت

تعجبني شخصيتك وثقتك بنفسك

فجر ..

ابو اولادك يبغى يرجعك ، عمل اللي عليه و ما قصر ..
انت عنيدة .. و رافضة .. و ما بتفكري بمصلحة الأولاد ..

كل ما كبروا ، كل ما كثرت طلباتهم و بكرة عندهم مدارس ، مين يوصلهم و يتفاهم مع ادارة المدرسة ؟
أمك لمتى تجلس لك ؟ و ترى هي الظهر لك الآن ، لا سمح الله لو صار فيها شي و مافي أحد بيجلس بالدنيا ..
راح تحسي انك انت و الأولاد ضايعين ..

أنا أقوى منك الحمد لله ، و عشت في الغربة ، و أكبر منك .. و وظيفتي الحمد لله راتبها كويس و أولادي عددهم أقل
و أعمارهم فيه فرق ..
و مع كذا ، ما أقدر أربي أولادي لوحدي ..

لا تقولي أبغى أصير مثل ماما ، هي وظيفتها و قدراتها مختلفة عنك ..

فكري و استخيري ..
و شوفي فين الأفضل لمصلحة الأطفال .. ؟

هل راح تجلسي طول عمرك بدون زوج ؟
لو تزوجتي هل أبو اولادك يتركهم معاك ؟
هل زوجته تقدر تربيهم و لا تبهدلهم ؟

اتمنى فعلا يكون عندي ثقه بنفسي

انا ما افكر بمصلحتهم
و عنيده .
وهو ماقصر . وسوا اللى عليه .
طيب شكرا .

ماما ماحتجلس ليا و لا هو حيجلس كمان . العمر بيد ربنا

زواج طبعا ماحتزوج ابدا و كافي الصغار و لا افكر فيه تانى مرة
هى مرة وتووبة ربى اعتقنى منها .
زوجتو ماحتاخذهم ابدا هو لو قادر يخليها تاخذهم كان مو كل مرة يرجعهم ليا
دولا اولاد و صغار وستة ماراح تقبل فيهن ابداا ازا كانت امو رفضتهم و خواته

انتى ضروفك مختلفه عنى
لو زوجك زيه حترجعى له ؟ متزوج و مخلف
وكمان يبغى ارجع و اتكفل بمصاريف الصغار كمان و البيت .

ان كبروا الاولاد هو يروح معاهم مش معناتو تطلقنا خلاص يشيل يدو منهم
و ان شال يدو منهم بكره يكبروا و يستغنوا .