شوفي يا قلبي باقولج عن تجربتي بالطلاق مرتين

المرة الاولى لما تطلقت ازددت قرب من الله وكنت احس بمعية الله في كل وقت وفي كل مكان،، كنت اقرا القران كثير وأقوم الليل كثير ولا اترك لا سنة ولا فرض ومع هذا ما تزوجت الثاني الا بعد خمس سنوات ووقتها ما كان عندي عيال وجامعية وحلوة وأهلي ناس معروفين بس النصيب

الثاني:
لما تطلقت منه للاسف اعترف وعسى الله يغفر لي ويعفو عني لهيت بالدنيا او بالأحرى حسّيت ان القرب من الله مراح يعطيني مرادي الحمدلله محافظة على صلاتي وصيامي بس قلبي لاهي مع الدنيا يالله عفوك ورحمتك


بس اللي ما تغير ابدا ابدا ابدا وعساه يزيد ولا ينقص

ان كل اللي الله كاتبه خير لي في هذا الوقت

والله ارحم فيني من نفسي

يعني اقول حتى بعز الالم وبعز الخذلان اقول بهذا الوقت هذا الوضع الأصح والأصلح لي

وسبحانك يارب الحين الامور كلها لصالحي

اللهم ربي لك الحمد عايشة ملكة في بيتي

كل اللي ابيه اهوا من نفسه اييلي

بنتي ربي لك الحمد ابوها مو مقصر معاها والنَّاس يحبونها حتى لو ما يعرفونها يعني تدخل القلب بسرعة


واشياء وايد ما ودي اذكرها


كل هذا جا من حسن الظن بالله

صحيح اني ما تزوجت .... بس الحمدلله عايشة بترف ونعمة ... عايشة ملكة ملكة ملكة

كنت مثلج اقول هذي ما تصلي وتزوجت وهذي مو لابسة حجابها عدل وتزوجت وهذي فيه وفيها وتزوجت وانا ليش لي الحين

وبعدين عرفت النتيجة


احمد ربي ان تزوجت هالريالين وإني تطلقت منهم وان بنتي ابوها الثاني مو الاول وان ترتيبهم جذي صح وان وايد اشياء




والله دمعت عيني

لا احصي ثناء عليك انت كما أثنيت على نفسك

اهم شي يا اختي حسن الظن بالله وتوكلج عليه وان كل امر الله كاتبه خير لج تعرفين يعني شنو خير لج

يعني اذا ما صار راح تضررين،... يعني اذا تزوجتي بهالوقت راح تضررين... راح تصير لج اشياء انتي ما تقدرين عليها


تذكري دايما ان ربج رحيييييييييم ويحبج وان اهوا يعرف وانتي لا

تخيلي معي ياهل مريض ويبي ايسكريم وأمه منعته!!! شراح تقولين عن هذي الام؟؟ هل تخاف على ولدها والا بخيلة؟؟

اكيد بتكون ام تخاف على ولدها لان أهي تعرف وهو لا..... نفس الشي يا قلبي وتعالى الله عن ذلك علوا كبيرا







ادري كلامي ملخبط بس طالع من بواطن قلبي😜

__________________
لا اله الا انت سبحانك اني كنت من الظالمين