فتنة المال صعبة صعبة .
المهم لا تتنازلي عن حقك و خليه باسمك
ضمان لك من المستقبل سواء زوجك او اخوانك
محد يعرف من وين تجي الطعنة

كان الله في عونك اختي..

كيف الوضع عندكم هل يمكن الاخوان يستولون على حصص البنات (اذا وصلت لهالدرجة)؟

اذا اخوانك ما احترموا امك ماراح يهتمو في اخواتهم اكيد..

عموما اختي لا تستبقي الأحداث وخلي امك بالواجهة، واذا كبرت السالفة خليك في موقف المدافع عن نفسه فقط..

وزوجك يمكن احسن ماتدخليه بالموضوع وتشعلي النار زيادة..

اخوانك وزوجك من طينة وحدة .. الله يعينك عليهم..
انا منك ما اتنازل عن حلالي لا لهذا ولا لذاك اخذه كامل ماينقصه ريال واللي يزعل يزعل .. عيب عليهم رجال اشناب وعينهم على حلال الحرمة المسكينة ..

خليك قوية الامور ممكن تتعقد كثير بس كل ماعجلتوا بحل المسألة كل ما ارتحتوا من الضغوط اللي عليكم

زوجك رجل أصيل

الظاهر أنه عرف بموضوع أخوانك لهذا خاف عليكي لا تنظلمين

وضوحك معه بخصوص املاك سيتفهمه مع الوقت بس كوني متماسكة و هادئة و لا تقصري في حقه أبداً ... و يظهر أن معدنه طيب

والله أعلم
إخوانك كم أعمارهم ؟
وكيف تدينهم ؟

دقيت على واحد من اخواني ... قلت لهم ماما مريضه لها كم يوم ركبها يألمها ليه ماتودونها ... قال مشاغيل تدرين برمضان محد يفضى حتى يحك راسه وبعد العيد بنوديها افضل مستشفى حتى لو برا السعوديه.. قفلت بوجهه لاني لو ماقفلت رح اغلط ..

والله مو قاهرني غير امي تعبانه ولا احد بحولها ...

بالفجر فكرت اتنازل عشان زوجي مايأثر علي وياخذ فلوسي ... قلت اخواني اولى بالفلوس من زوجي حتى لو حالتهم الماديه فوق الممتازة.. بس الحين لا مارح اتنازل ولا بقرش لا لهم ولا لزوجي حتى لو اخذهم واحرقهم ...

انا اللي اعرفه اخواني مايرضوا بالظلم ... ابي اكتب عنهم بس ماقدرت مابي انصدم اكثر ..

__________________
-

فأجبر خَاطري .. بفيّض نعَمك ❤ ....

اخي محب السنه ... كيف اثق بزوجي ؟؟ .. كنت اقول اخواني واخواني واخواني ... الحين صرت ما اثق بأحد .. وماعتقد زوجي بيجي احسن من اخواني كلهم من نفس الطينه ..

اكبر واحد عمره 33 والثاني 30 والثالث 25

عاديين لا هم ملتزمين مره ولا فلتانين ... بس الصلاه ملتزمين فيه

__________________
-

فأجبر خَاطري .. بفيّض نعَمك ❤ ....

سمورة..

بصراحة موقف زوجج مزعج.

ما في شي اسمه ما تعرفين مصلحة نفسج .. وإذا كان يبغيج تثقين فيه فالمفروض ما يتصرف بطريقة تخليج تخافين أو تحسين إنج محاصَرة .... في النهاية إنتي صاحبة الشأن وما يصير يفرض عليج شي.


رأيي أجلي موضوع التوكيل اللي بتسوينه لزوجج.

وانتظري لين أمج وإنتي وإخوانج تجتمعون وشوفي على شو بتتفقون .. يعني كلكم تكونون حاضرين والكلام أمامكم جميعاً عشان كل شي يكون واضح وما يكون في مجال لتأويل الكلام أو تحويره أو فهمه غلط.


ووقتها لكل حادث حديث.

__________________


اللهم طِيبَ الأثر .. وحُسْنَ الرحيل.

مفاهيم فقط القصه كلها مفاهيم ملخبطة لو تصلحت كل شيء راح يكون طيب

زوجك بكل هدوء كما أبلغناك في نقطة تسجيل الأملاك باسمك و أفصلي موضوعها عن حياتكم وخليكي حازمة و حاسمة للموقف و الموضع في حديثك معه
قصدت من ثنائي على زوجك أنه لا يطمع في مالك لنفسه و لكن يريد أن تحصلي على حقك كامل - مع اللبس الذي عنده في قضية تسجيل الملكية -


و بخصوص إخوتك كذلك صدقيني فيهم الخير لا تحملوا في قلوبكم عليهم و لا تكبروا الموضوع الحين
نصيحتي من واقع تجربة عايشته في مثل هذه المواقف أدخلو شخص يعز عليهم و يعزونه يجلس معهم و يخوفهم بالله و يذكرهم بأن الورث حق من حقوق الورثه ومن شدة أهميته و عظمة فصل تفاصيله الله عزوجل بنفسه جل في علاه في كتابه الكريم حتى لا يتهاون به الخلق و حتى لا يشكك أحد به
و ينصحهم بأن يقسموا الورث كامل ثم بعد التقسيم إن كان لديهم أفكار لمشاريع أو شيء من هذا القبيل يطرحون الفكرة بشرط بعد أن يتم التقسيم
ثم يتركوا الحرية للورثة إن أرادوا المشاركة و المساهمة أو لا

من تجربتي بعد هذا الفعل الأخوات أغلبهن ساهمن مع إخوانهن بل أزيدك من الشعر بيت بعضهن وزعن المال على إخوانهن المستحقين هبه لوجه الله

وبخصوص التوكيل لزوجك ما أرى أن له داعي من الأساس
الموضوع بين إخوه هو يعتبر غريب

توكلي زوجك بعد ما يتم تقسيم الورث بصيغة المتابعة فقط لا بيع و شراء ولا تنازل لنفسه يعني تكون للمتابعة

أتفقوا أنتم فيما بينكم كورثه على من توكلون و الصيغة يجب أن تكون واضحة بحيث لا يحق للوكيل من تسجيل شيء باسمه أو التصرف في الورث