ما اعتقد ان فيه زوج بالدنيا يجلس مع زوجته بالعيد الا اللي يكونون اسرة كبيرة
معروف العيد اجتماعات مع الاهل وزيارات وطلعات ..

انبسطي مع اهلك ولا تتدققين .. شخصيا انا زيك اجلس عند اهلي بالعيد واعايدهم ونجلس سوا وبعدها اطلع لاهل زوجي اعايدهم بعدين ارجع لاهلي
يعني زوجي ماشوفه بالعيد الا بمشوار السيارة 😂 ومبسوطة وفرحانة .. تدرين ليه ؟
لاني جربت زوجي باول عيد لنا سوا كنا ماخذين اوتيل .. وكنت حاطة ببالي بيجي وبيعيد علي وبنعيش كأسرة ومدري ايش واحلام رومانسية .. بس جاء من صلاة العيد وخبّني بسرعة بسرعة يالله تأخرنا وطلعنا وحنا نركض لاهله وعيدنا معهم ورجع للاوتيل وعطاني ظهره ونام 🙂 ولما صحى المغرب طلع يعايد الباقي من اهله ومن اهله لاصحابه سهر معاهم للفجر..حتى ماشاف ولا لبسي وانا كنت متوقعة انه بيمدح ذوقي ع اختياري للفستان 😑
طبعا كان مالنا متزوجين الا شهر ونص 😂

فانا جدا مبسوطة اني اتعايد مع اهلي يالله من فضلك.. مفروض تنبسطين يختي غيرك حتى اهلها يمنعها عنهم
وخلي التدقيق الزايد والرومانسية وجو الأسرة بيوم ثاني العيد أحلى مع لمة الأهل والأخوان والخوات 😻😻

ارسليله مسج حلو صباح العيد وارسليله صورة كشختك وعايديه والحمدلله ❤صدقيني أبرك لك من انك تجلسين عنده .. هذا وانتي عروس وتركك اجل هالعيد وش بيسوي اجل 😂

__________________
سبحان الله وبحمده ، سبحان الله العظيم