المشاركة الأصلية كتبت بواسطة روح الطير

قولي له ( إيش بك تصرخ ؟ ما قلت شي يزعل .. )
و تجاهليه و كملي اكل و خلاص ارجعي بعدين عادي و تكلمي ما كأنه فيه شي ..

مشكلتك انك تعبي في نفسك و بعدين تكشري ..

.
.

أنا زوجي مرة بارد و هادي .. و في رمضان صاير عصبي و كم مرة يرفع صوته ..
و أنا برمضان العكس سبحان الله .. أكون هادية جداً و الحمد لله ..

المهم أمس كنا نازلين من السيارة و أنا أشيك عالصف اللي وراء ما نكون ناسيين شي ؟
و زوجي من بعيد واقف قدام باب العمارة و يصرخ مرتين ( ايش فيك واقفة ؟ )
و هو ما عمره كذا يكلمني .. و الشغالة جنبي انفجعت ..

مشيت قدامها ، و ما رديت عليه و عديت من جنبه ..
و قلت له ( ما عاد ترفع صوتك علي بالشكل هذا مرة ثانية ) ..
( لانه فيه الشغالة و كنا بالشارع .. و ما يرفع صوته علي قدامها .. و لا كان ممكن امشيها له )

و هو من بداية رمضان و أنا ساكتة له ، و أمس بشويش و أنا بالمطبخ برضو كلمني بنفس الطريقة ..
قلت له بهداوة .. ايش بك كل شي متنرفز ؟

و قبلها بكم يوم ، قلت له بشويش لما اتنرفز بدون سبب ..
ترى صاير ترفع صوتك كل شوي .. و ما ابتسمت له و كملت شغلي و قام انتبه و صار يلطف الجو ..

و بداية رمضان برضو نفس الشي ، معصب من غير سبب ..

لكن امس عديت من جنبه ، و قلت له ( ما ترفع صوتك علي مرة ثانية )
و مشيت قدامه و ما كلمته ، لكن رجعنا نتكلم عادي و هو خلاص ينتبه بعد كذا على نفسه ..

لإنه بجد لو سواها من جديد ..
ما راح اقدر اسكت ، زودها .. كل يوم و كل شوي ينفخ ؟

كأنه الوحيد الي صايم برمضان ؟

مشيها له يا ( لست كغيري )