المشاركة الأصلية كتبت بواسطة ابو بدر 1988

قابلت كثير مثل زوجك , يعرفو انهم غلط بس يلف ويدور عشان ما يطلع قدامك غلطان , تحس نفسك انت ضيعت الحوار وضيعت الموضوع الاساسي اللي فتحت بسببه النقاش

هذه النوعية من الناس تحتاج لما تفتح معهم موضوع او تناقشهم في موضوع معين , تكون حذر وترتب افكارك كويس وتحدد النقاط اللي بتتكلم فيها بالضبط , بحيث كل مرة يحاول يطلع من الموضوع او يلف ويدور تقوم انت وترجعه الى الموضوع الاساسي , وحيجلس يحاول كل مرة يطلع من الموضوع او تلاقيه يكرر كلمة معينة يكون له فيها حق , انت ارجع مرة اخرى ورجعه غصبا عنه الى الموضوع الاساسي .

بس لازم تكون مرتب افكارك , حتى لو اضطريت تدخل النقاش ومعك ورقة كاتب فيها كل النقاط اللي بتتكلم عنها , لأنه مع حدة النقاش ممكن تضيع الكلام وتتلخبط افكارك .

حاولي تكوني هادئة كل مرة تحاوريه , حتى لو جلس يلف ويدور , انت بهدوئك الكلام حيطلع منك مرتب وموزون وتقدري تنتبهي في كل مرة يحاول يلف ويدور .

الله يعينك