تشيز اللوتس
انتي قرأتي الموضوع؟
اقول لك بعد الخلاف باسبوعين جاني
ورحبت بالعلاقه الخاصة وكنا مبسوطين
وبعدها بيوم رماني زي ---
وتعامل معي بابشع مايكون
قلت له عسى ماشر
قال وقتها اخذت الحق الشرعي بس لازلت حاقد عليك

انا انسانه من لحم ودم
لا كابرت ولا بررت خطاءي
كانت هفوة وزله لسان دفعت ثمنها غالي
لكن بعد 33 يوم من المشكلة يرجع يعيشه اليوم


يعني من 33 يوم ماكلمني وهاجرني
ويسهر لحاله ويتركني
33 يوم طول الوقت مكشر بوجهي
33 يوم يلطش فيني بكل فرصه
ويجي فوقها اليوم يقول بسافر بالعيد
وبيتركني مع العيال عند اهلي
اعيد انا وعيالي لحالنا وهو يروح يفلها بجزيرة بالي

ولما بان على وجهي الزعل
يقول هذا حق من حقوقي!! مالك دخل!!
طيب يا ابوحقوق وان حقوقي كزوجه
بالمعامله الحسنى
قال: لايكون مفكره اسفرك بعد اللي عملتيه.. مستحيل!!

انا ما قلت بسافر
بس اذا هو بحسه الانتقامي معزم يقهرني
فالله لا يوفقه لا دنيا ولا اخره
انا استهلكت كل طاقتي الماضيه بالتودد
واعتذارات وكأني عامله جريمه
وماجاني الا حقران وقل قيمه
الله ينتقم منه ويجيه اللي يحقره ويعذبه

اقسم بالله صحيت من نومي ابكي
امرضني الله ياخذ لي حقي منه