شوفي ياعسل

انا عارفة تنسفين كل كلامنا وتسوين اللي براسك
بس كلام بخاطري وبقوله

اولا زوجك غلطان صح، وعيب اللي سواه
بس ياختي شوفي نفسك
خذلك بالارض
والسيارة الأولى اتذكر فتحتي موضوع تتشكين انه تأخر
وتروحين تكررين نفس التصرف مرة ثالثة وتتوقعين نتيجة مختلفة!!

بعدين بكل رد تكتبين قوامة قوامة
وانتي تركتي له مساحة يفكر بقوامته
ارض وشارية سيارة وشارية وتخططين للمستقبل بصورة افضل منه..وش بقيتي..اساسا لو اي رجال بمكانه بيتصرف نفس تصرفه
وحدة ماشاء الله تجمع وتشتري وتخطط بأيش ممكن يفكر فيها!!
تعالي شوفي الزوجات اللي مايعرفون يتصرفون تلقين زوجها داايم حولها مو شرط حب بس هو عارف انها ماتعرف تتصرف..
ام زميلتي عجوووز تقول اذا سافر ابوي يتصل عليها خوذي الحبة الفلانية ولاتنسين النور مفتوح و... تقول لأن أمي فعلا تنسى وهي ولاشيء من غير ابوي..بينما زوجته الثانية تشتكي من انه تاارك لها البيت بدون اي اهتمام ببساطة لأنها عن 100رجال!!

ثانيا
زوجك فعلا وصل لنتيجة انه ماينفع معك الا البوز
من كثر تدقيقك على الاشياء البسيطة والسخيفة صار زعلك ع الاشياء الكبيرة مثل هذا الموضوع ماله أي قيمة..بيقول بخاطره تزعل اسبوع وترضى من نفسها وممكن احصل لي كم قرش تراضين فيه

ثالثا:جالسة تعيدين اسطوانة تضحياتك المالية
ممكن اعذرك على اول تضحية سويتيها الباقي لاااا
لانك قدمتي وانتي مجربة وعارفة وبكاااامل رضاك
اما تقطين اللي سويتيه بالبحر وتفتحين صفحة جديدة تكونين اكثر حذر
والا طالبيه من الالف للياء ونهاية هالطريق واااضحة ومعروفة..

رابعا:بالنسة للقسط
رأيي اسكتي ولاتجيبين طاريه للشهر الجاي لو ماسدد لازم جلسة تحطون فيه الخطوط الحمراء العريضة والاجراءات الصارمة مثل الاستقطاع..

خامسا
لاتراضينه ولاتنتظرين منه ردة فعل
وخليه لحد ماينطحن الحب اللي براسه..

أخيرا
قلنا لك بكل مواضيعك لاتردين عليه اذا تخاصمتوا
لانك مندفعه ولازم تجيبين العيد
تعودي تسكتين..
صدقيني اللي يسكت عند الخصومة يدافع الله عنه من تجربة