الله يطمن قلبج ويريح بالج ..
ابدأي بالمواقف ..

أببدأ بمواقف صغيرة ومع مرور الوقت ومساعدتكم لي ممكن استرسل!
بس لازم تعرفون إن نقطةسيئة فيني ما أعرف أتكلم من نفسي لازم أحد يساعدني ، ولما تكتبون لا تقولون بتزعل ، أو تتضايق !!
أنا في مرحلة" غربلة" لذاتي ممكن يطلع منها شخص جديد " أفضل"!

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

خلينا أبدأ باللي كاتب موضوع يبي زوجته تولد عنده!
على طول جا في بالي حياتي واللي عندي
يكره تواجدي في البيت، ويطير من الفرح لما أطلع
يتعب نفسياً لو ما أروح لأمي كل اسبوع
من بداية زواجي كان فارض علي اجازة نهاية الاسبوع عند امي ويجيني بالليل بكره دوام عشان ياخذني!!
ما عمره جلس يسولف معي، مع إنه بجلسته لحاله جواله ما يطيح من أذنه.
حتى جلسة قهوة وشاهي ما فيه ! ودائماً يلمح لي إن قريبه عايش بالمجلس والباب اللي بينه وبين الصالة مسكر على طول ، وزوجته تحط له الشاهي والقهوة عند هالباب وهو يطلع ياخذهن ويرجع مجلسه!!( تلميح إني أسوي زيها)
إذا حملت روحي لاهلك، وإذا ولدت روحي لاهلك ويزيد على ايام النفس شهر اثنين من عنده ما عنده مشكلة!
هاللي يبون حريمهم يولدون عندهم هم الطبيعيين وإن بالغوا
زوجي يستمتع في إنه " ينحاش"
هل هذا طبيعي، وليش هو كذا؟!

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

أختي أول زواجها زوجها كان يرفض تنام عندنا ، زوجي يتهاوش معي ويردد مليت منكم ومن وجهكم قدامي روحوا!!
من بداية زواجي يرميني الاجازة
ما عمره قال لا أبيكم أو حتى يسكت أروح لاهلي أو اجلس براحتي ، لااا لازم يتكلم
مع إنه 24 ساعة بالبيت وهالشي يطفشني هو الرجال اللي لازم يطلع لكن ما يتحرك ويقول مليت منكم!!

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

عمره ما قال البسي هذا، أو هذا يعجبني عليك
أو حطي مكياج أو خففي أو أي شي من اللي يطلبه الزوج من زوجته !!

ولما أغير صبغة شعري أو قصتي يتعمد التجاهل لغاية ما أسئله وقتها أشوف بوجهه ابتسامة خبث ويقول " أوكي" بس!!

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

تطلع منه تصرفات تحسسنس إنه بايع! وعنده قناعه إني مو شي مهم وضروري بحياته وبدالي ألف( نفس الاحساس اللي يعطوني اياه أهله لما يتعاملون معاي)
باعطيكم مثال

إذا حنا في أي مكان مثلاً مرة كنا بدبي مول وهو ما يتحمل أسواق ومو راضي يخليني أتسوق ، لما حسيته طفش قلت خلاص خلني أتسوق ومو لازم تدخل معاي رد روحي خلاص بس هاتي بنتي!!

حسيته زي إنه لو ضعتي أو صار لك شي بالطقاق تبقين بنت الناس وفقدك مو مهم !


لما أتعب ما يحرص علي ولا يسأل ولا يتحرك أصلاً ، ولو أقول له تعبانه يسأل شفيك بعدين يروح ويتركني عاااااادي! حتى لو جتني مثلاً أزمة صحية

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

راتبه سر
قراراته أسرار
صرافته وحسابه بالبنك سر
أصدقائه وأسمائهم سر
لما ينعزم عند أحد يا ويلي لو أقول منهو؟! مستحييييل يعلمني
لما حضرت ملكة اخته وخلصت المناسبة وحنا راجعين أسأله وش يقال لهم عائلة المعرس قال ما أدري
لما تملكت أخته الثانية علمني وبكرة الملكة يبيني أروح
لما يمرض ما يعلمني
ولما يتعالج يخبي العلاج عني
ولما سوا عمليته سواها وطلع ما عرفت عن إيش إلا من زوجة أخوه !!

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

مع إني كنت مرافقه له طوال فترة علاجه وعمليته لكن ما أعرف هو وش سوا!!!

في المقابل:-
يفتش جوالي دورياً
يفتش أغراضي ، حتى لو يا دوبي راجعه من السوق كان دايم يقول خليهم بادخلهم بعدين لاحظت يفتشهم بالسيارة قبل لا ينزلهم
لازم يعرف كم حسابي
كم عندي
يصر تظل بطاقة صرافتي بجيبه!!
بيتي معاه مفاتيح له مع إنه رفض يعطيني مفاتيح بيتنا اللي أنا عايشه فيه( كلكم تعرفون القصة)
يا ويلي أعطي ملابس أو ملابس عيالي لاحد!!
تصرفات كثييييير غريبة ومتعبة بالنسبة لي !

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.