طيب.


بدايةً زوجي ما يناديني باسمي .. إما يناديني بـ أم سلطان .. أو يدخل في الموضوع مباشرة بدون نداء أو تنبيه.

والمرات اللي استنكرت فيها وسألته ليش ما تناديني باسمي ما كان يتجاوب معاي .. وفي أحسن الأحوال كان يقول: خلاص إنتي صرتي أم عيال!



من كم يوم كنت أتكلم مع بناتي .. وخبرتهن إني لما كنت حامل في مهرة بغيت أسميها ميرة. (أنا كنت مقررة اسم مهرة من زمان .. لكنه خاطر خطر على بالي فجأة لما كنت حامل في الشهر السابع ونزلت موضوع بهذا الخصوص وقتها عشان أشوف رأي الأعضاء في الفكرة)

زوجي كان موجود وأنا أكلم البنات .. وشكله كان ناسي هالموقف .. فذكرته وقلت له: حتى إنك كنت موافق وطلعت من المستشفى واسم ميرة مكتوب في ورقة الإدارة .. بس ماما والبنات لعبوا في راسك وخلوك تغير رايك .. وأنا اكتأبت وقتها وتميت أصيح ثلاث أيام .. لكن اللي سكّتني إني في الأساس كنت مختارة اسم مهرة وإني أحب هالاسم وايد.



هالموقف صار من أربع أيام .. من وقتها زوجي صار يناديني باسمي.

__________________


اللهم طِيبَ الأثر .. وحُسْنَ الرحيل.

ههههههه اللااااي وناسة ..
يحليله حنّين وطيّوب ..

ههههههههههه
يا حليله زوجك صار يمشي علي العجين ما يلخبطوه

__________________

لا والله يا هاجر .. مب حابة أنظر للموضوع من هالزاوية .. وبجد مقدرة له موقفه رغم إن البعض ممكن يشوفه بسيط.


بس غريب كيف أن الأمور سهلة وإحنا نصعّبها.

طيب ما كان من الأول.

__________________


اللهم طِيبَ الأثر .. وحُسْنَ الرحيل.

أنا ريلي يناديني مريوم

كنا نتكلم أنا وخواته في قروب البنات من كم يوم وكنا نسترجع بعض الذكريات.

قالن لي إنه زمان أيام الملجة وبداية الزواج كان يسميني مرمر لما كان يتكلم عني معاهن.

ومعاي يناديني أم سلطان!!!!


يختي شو يسمونه هذا؟!!!!

__________________


اللهم طِيبَ الأثر .. وحُسْنَ الرحيل.

استحياء .. 😕

يستحي يدلعني وهو معاي وما يستحي يدلعني جدام خواته؟!!!!!!!!!!

يا مثبت العقل!





يالله ما علينا .. ما بلاش نتكلم في الماضي.

المهم الكم يوم اللي طافوا .. بجد فرقوا معاي.

__________________


اللهم طِيبَ الأثر .. وحُسْنَ الرحيل.

ما انتبهت لردك مهرة
صدقا ما امتلك ذرابتك مهرة و لا هدوءك و لا احسن التصرف مثلك
ما اقولها مجاملة هذا واقع الجميع هنا يشهد لك فيه

قلتها بمزح لاني اعرف شخصيتك زين

__________________

أدري فديتج

لا تشيلين هم.

__________________


اللهم طِيبَ الأثر .. وحُسْنَ الرحيل.