المشاركة الأصلية كتبت بواسطة ام مريمي

الان الاهم بكل هذا هي بنتك ! .. فعلا كما قالوا الاخوات بنتك ممكن حاليا ماتخسين انها متاثرة ولكن مع تقدمها بالعمر راح تلاحظي بعض الاطباع الغريبة ولما تدققي راح يكون اسلوبك واسلوب زوجك مع بعضكم ،،

تواصلي معاه باسلوب حازم واتفقوا على الاساليب الصحية والصحية لتربية طفلتكم حتى وان كان بزيارة سريعه اسبوعيا لمستشار اسري او تربوي ،، غلك وحقدك عليه وعلى زوجته لازم ينتهي ! وكأن الساعه تتوقف عند هذا الحد ! تحرمي نفسك من متعه الراحة النفسية والعقلية وهم في راحة بعكسك للاسف وانتي اللي قاعدة تعانين هالعذاب ... تدرين اهم علاج بهالامور واللي علمونه اياه هو المسامحة ! قولي له بحزة ان انتي مسلمة امرج لله وحده انا مسامحتك احرجيه .. وبعدها لو تبتعدي عن التواصل مباشرة معاه وتخلينه ياخذ بنتج من عند والدتج او اهلج وهم يخبرونه بتواجدها عندهم .. حتى احتياجاتها اذا تحسين ان تواصلج معاه بينكأ الجرح مرة ثانية فابتعدي عشان تنسي