مادعيت يا هاجر:/ و لا شحنت جوالي فل تحسبا ولا جبت شموع
بس الحمدلله وقف المطر ولا طفى،
نسيت السموحة،
و نمت مالحقت أشوف مشاركات الأخوات بعدها.

مريم
ماشفت الأرصاد اليوم بس الجو من العصر دافيء كاتم مغيم"خيال،بكسر الخاء بلهجتنا"،
و بدت تفوح ريحة الطين. ..
هالحزة من كنا صغار تحسين بريحة المطر صح ؟
مدري كنا نسولف و أختي من حينا وما يطول
حتى تمطر صدز .

هالحين مع المطر فايحة ريحة التراب الأحمر
و ثيل الشارع و المزارع .

أحب هالجو،
ماكو منغصات غير فوبيا الظلام خخخ
سالفة حتى البزارين يتطنزون علي الشكوى لله،
بس الحمدلله ماطفى الليلة بس أشر خفيف
مع اني انهبلت شوي بس خخخخ كنت داخلة بتوضأ ناديت
بنت اختي الصغيرة ع طول عطيته جوالي تضوي
سلم الله لا طفا،
و مشكلة ضعف الكهرب من بضع أعوام بمحافظتي ومحد منتبه له الظاهر ...
ع الريحة سلم الله أدنى عارض طبيعي يطفأ، الحين الحمدلله زين
أول أردى ينطفي بأوقات ذروة أحيانا بعز الصيف و برمضان، و ينطفي لساعات
الله أعلم مرة من 8 إلى 11 ساعة يستمر.

يا الله اقديش شدني ردك فأل
ذكرتني بطفولتي و مراهقتي في مدينة اهلي وقتها كانت اقرب للقرية
كلها مشاعر احتفظ فيها في اعماقي يسعدني استرجاعها
ريحة المطر لما يختلط بالطين و التراب وانقطاع الكهرباء و كيف نحضر الشموع بس يغيم الجو او تهب الريح و تنقطع فعلا و بالساعات و نعيش علي الشموع
ما عرفت الدريشة وش هي عندنا اذا انقطعت الكهرباء نطلع ننام في سطح البيت في الصيف الحوش نخاف من الحشرات
حتي خوفك من الظلمة عشته و عايشته و فيه من اخواني الي خوفهم بزيادة تجيهم حالة هلع و نصير بس نهدأ فيهم
سبحان الله صدق الي قال ذكريات الانسان هي ادبه الخاص لو اسهبت الفت رواية

__________________