كوفي شوب الصبايا (٣) - منتدى عالم الأسرة والمجتمع

مملكة المرأة جمال المرأة ، الازياء ، العطورات، ومستحضرات التجميل المشاركة للنساء فقط

21-02-2016, 09:21 AM

#11

مــريم

موقوف

تاريخ التسجيل: Feb 2006

المشاركات: 14,194

رد: كوفي شوب الصبايا (٣)

البارحة رجعت من أبو ظبي ..

كانت زيارتي الاولى الرسمية لها ..
لما رحت دبي آخر مرة وداني ريلي أبو ظبي كم ساعة ورجعنا دبي ..
وقتها اعجبتني كثير حسيتها شرحة (تشرح الصدر) أكثر هدوء من دبي <<< اتوتر من الفوضى ..
يومها مرينا على فندق قصر الامارات .. اخترق قلبي وطلع من الجهة الثانية ..

قلت لازم اروح أبوظبي وأسكن هالفندق ..
والحمد لله ربي أكرمني بهالسفرة وسكنت في قصر الامارات <<<< قصر بمعنى الكلمة ..
لوهلة حسيت إني سلطان بروناي

.. هههههه .. بعدين قلت فوقي يابت

..
الصراحة لو أقعد في وما أطلع إلا في التشيك أوت ماكان مليت ..

رحت حديقة المشرف .. بس تصدقين ما شريت ولا شي من المأكولات ..
ضاع وقتي وأنا مع بنتي من لعبة لين لعبة ..
وزحححمة ماقدرت أشوف شنو عندهم .. محل واحد عنده جمل برقر ووقفت ريلي في الطابور نص ساعة ولما وصل دوره قالوله خلص .. قلت خلاص عسى ماكلت ..

رحت المارينا مول .. الكورنيش وبنتي خذت سيكل .. وتمشينا بالسيارة صوب الكاسر ..
رحت مجمع صغير يطل على الكورنيش أعتقد اسمه غاليريا ستيشن وتعشينا فيه ..
رحنا شنقريلا ..
بس والله زيارتنا قصيرة كانت وصلنا الخميس بالليل والسبت العصر رحت المطار ..
لكن جدا استمتعت .. وغيرت جو ..

ييت بنزل صور .. أكتشفت إن أغلب اللي صورته كان للسناب وماسويت له حفظ اهيء اهيء

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 03:34 AM.

روابط سريعه