رد: طلبت الطلاق مستجدات الرد (1139)
ما أدري!
مب كأنكن تعرّفون المعلقة حسب وجهة نظركن في وضعي الحالي مع زوجي؟!!
اللي أعرفه إن المعلقة وضعها مفروض عليها .. يعني مب بقرارها ولا اختيارها.
اللي أعرفه إن المعلقة متضررة.
وعلى هذا ما أشوف نفسي معلقة.
ويا مبتعثة .. أولاً .. أنا ما طلبت الرقم وأنا متنرفزة .. وبجد مب فاهمة كيف حسيتي إني كنت معصبة أو منفعلة؟!! .... الحفلة في قاعة .. والقاعة لازم تنحجز بدري عشان أضمن توفر التاريخ اللي أباه .. يعني ما ينفع أضيع وقت وأأجل الموضوع.
ثانياً .. هل أنا اشتكيت إنه ساحب عليّ؟ .. هل أبديت تذمر أو استنكار إنه ما كلمني لحد الحين؟!!
مب أنا اللي قلت لكم إنه هذا هو المتوقع منه أساساً؟
بعدين .. شو معنى ساحب عليّ أصلاً؟
طلبت فلوس .. عطاني.
رجعت أطبخ له .. شكرني وأثنى على طبخي.
أي طلب أو حوار في الواتس اب يرد على طول بدون تأخير .. وبأسلوب ممتاز مرضيني.
حتى الحوار الأخير اللي بعضكم شاف إن فيه انفعال أو رسمية زايدة أو قلة ذوق .. هو ما شافه بهالمنطور .. بالعكس راح أمس يشوف قاعات ثانية ولقى لي قاعة أفضل .. جزاه الله خير.
فكيف ساحب عليّ بالضبط؟
عشان ما كلمني بخصوص الوضع اللي بيني وبينه؟ .. يختي والله العظيم ما أباه يكلمني عنه.
__________________
اللهم طِيبَ الأثر .. وحُسْنَ الرحيل.
18-02-2016, 12:05 PM
ضوابط المشاركة
العرض الشجري