بصراحة أنت مجبور تصرف على زوجتك بالمعروف .. وهي ماهي مجبورة تحط شيء في البيت حتى لبنتك أنت أبوها وأنت المفروض تصرف عليها وإن حطت شيء زوجتك فهو من نبل أخلاقها ماعدا سواقها وخدامتها وحضانة بنتها غير كذا ماهي ملزومة بشيء .. بالعكس أنت الملزوم تصرف عليها .. تعامل معها بنبل وكرم رجال لاتخلي بينكم جفوة يدخل منها الشيطان .. تودد لزوجتك فهي سكن لك كما أنك لها العزوة والسند .. لاتخلي الأمور بينكم مصالح وندية شيء مقابل شيء ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

تقولون الكلام هذا
وترفعون ضغطه.حتى كبر الموضوع
.
ياليت نترك المثالية.
وننظر نظره واقعية

__________________
الحمد لله الذي اذهب عنا الحزن

أنا أتكلم في الحقوق والواجبات اللي قاعد يتغنى فيها صاحب الموضوع .. هذا أولا..

ثانيا أنا كنت أساعد زوجي لما كان راتبه ضعيف مايكفينا لكن لما تحسن راتبه ماعاد أحط في البيت ريال واحد .. وبالنسبة للقروض عمري ماطلعت لزوجي ريال واحد قرض .. بالعكس طلعت قرض واشتريت أرض لي .. والسيارة اللي طلعتها أيضا باسمي وزوجي هو اللي يسددها وماراح تنقل بأسمه الا إذا سدد كل الاقساط اللي عليه..

نوقف مع ازواجنا ونساعد بس ترانا محنا مجبورين على هالشيء إلا بالشيء اللي يعوض خروجنا من البيت فقط..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

هو ايضا يتكلم بالحقوق و الواجبات و ما طلب شي فوق ذلك
هو ايضا مانه مجبور يوصلها الدوام و مانه مجبور يوصل بنته عشان امها تشتغل
و مانه مجبور انه يكلف امه بحضانة بنته
و مانه مجبور على كثير امور
اذا كانت الحياة الزوجية تقاس على هذا الاساس فعليها السلام

على طاري الحقوق و الواجبات دون العرف
الطبخ مو واجب. لمن يريد انتقام منها
أكرر للمرة المليون. زوجته كانت تشتري لنفسها و كان بإمكانه تطالبه. لكن لا أدري لما لم يحسب ذلك تقدير منها و تخفيف. و الا لازم يخلص راتبها كامل
و للمرة الالف. زوجته خلاص ما تبغى مصروف.

__________________

وأنا ماقلت إنه مجبور اتمنى ترجع تقرأ اللي كتبته زين .. بس ليش يتضايق ويشيل على زوجته لانها ماتحط شيء في البيت .. ترى ماهي مجبورة إلا باللي متفقين عليه وبس .. ليه يحاسبها على شيء ثاني ماهي ملزومة فيه ويجافيها ويشيل بداخله عليها .. ترى المسكينة عرفت غلطها ورجعت بيتها وقايمة بواجباتها ليش هالتحامل عليها..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

اختصرت علي الكلام

رحم الله والديك على هالرد

.


استغفر الله ربي
عيل المفروض زوجتك ما تطبخ
واذا على الحقوق والواجبات ترى حتى رضاعة الاطفال رضاعة طبيعية تستحق عليها مبلغ مالي شرعا!
والبنت كثر خيرها شايله مصاريفها عنك!
استغفر الله يا رب! فجأة تحولت الموظفة الى كنز عند بعض الرجال!

مسكينة ما يسوى عليها طلعت غلطتها من عينها!
الله يجبر بخاطرها بس...

__________________

حاجة الناس إليكم من نعم الله عليكم ، فـ لا تملوا النِعم ☁✨