رد: علاقتي السيءه بأمي
المعذرة..
بس تستاهلين ، ومض .. ترى هذي امج
رب العالمين حرم علينا نقول لهم " اف "
وهي كلمة من حرفين..
فما بالج نرفع ايدنا عليهم!
امج هذي امج.. تفهمين شنو يعني امج!
امك ثم امك ثم امك
شايفة شكثر حقها عظيم!
امج .. لو عساها تدوس فوق راسج
لو تعطيج كف على خدج اليمين فري لها ويهج وعطيها خدج اليسار
يا بنت الحلال والله باجر بتتحسفين!
قومي استسمحي منها قومي.. لا تحطين راسج وتنامين قبل لا تبوسين راسها
شلون بتتهنين بنومج!
امج حملتج 9 اشهر .. بثقلج .. خذتي من جسمها وصحتها
وولدتج بآلالام وبطلوع الروح
وسهرت و ربت وتعبت .. وصغرت عقلها وحطته مع عقلج ولعبت معاج
اذا مرضتي كأنها اهيه المريضة
اذا قلتي آه تلقينها قالت قبلج مليون آه
تحملت تنظيفج وانتي صغيرة
وايد يعني لو سايرتيها في كبرها ؟؟
جم تحملت عشانج عشان تكبرين!
هذي اللي ذبحت عمرها عشان تكبرين وتدارينها في كبرها
تلاقيج مديتي يدج عليها!
والله عيني تدمع
قومي.. لا تخلينها تنام مقهورة
والله بتموتين من الندم
لو لا سمح الله الله اخذ امانته قبل لا تستمحين منها
__________________
حاجة الناس إليكم من نعم الله عليكم ، فـ لا تملوا النِعم ☁✨
08-02-2016, 01:29 AM
ضوابط المشاركة
العرض الشجري