طمنا على أموركم

اولا ي ام دان .. شكرا على السؤال ..

حاليا رجعنا للبيت وواستقرينا ولكن من فتره وفتره ترجع لوضعها وشكوكها الوهميه .. لدرجه قبل كم يوم وانا نايم طلعت وفكت السياره وتدور بالدروج وتفتح جوالي واشوف لها مكالمات طويله اخر الليل مع بنت خالتها وصديقات لها وهالعاده ماتسويها الى اذا تبى تتكلم في شي وتفتح مواضيع مع اللي تكلمهم ويوم اقولها حاولي تنامي تحط الحجه بالبنت وانها ماتنام ومانبى نزعجك ..

طبعا يوم ترجع لي اوهامها وشكوكها تبداء تهدد وتندد لدرجه امس وانا بالدوام وصلتني رساله طويله عريضه منها مفادها نفس الكلام السابق وانها حتطلع من البيت وماني قاعده لك .. استاذنت من الدوام ورجعت البيت وحصلت تاكسي واقف ينتظر مع ولد خالتها الصغير .. طبعا مشيت التكسي ودخلت عليها وبينت ان اللي تسويه جنون وي بنت الناس مكانتك موجوده وانتى والبنت في عيوني وووو كل كلام موده والرحمه والغزل ولكن .. الى متى سيتمر هالوضع لا ااعلم ..