ما بعتقد عندي اضافة عزيزتي غادة ماشاءالله الاعضاء كفوا ووفوا بارك الله فيهن

بس في حال اصر على شغلة اعمليها مرة وارضيه داخل البيت وبس تزوري اهله وبوجود اخته عدلي بستايلك باضافات من لمساتك وذوقك
وهيك بتكوني ارضيتي زوجك وخلصتي من الالحاح وبنفس الوقت ما حدا بلاحظ عليكي
انك قلدتي اخته
وصيري مرة اعملي متل ما بده ومرة متل ما بدك انتي
هيك بتشبعي فضوله
وبنفس الوقت ما لغيتي شخصيتك
ومع الوقت بس يصير يشوفك بكذا شخصية ان كان نفس شخصية اخته او شخصيتك رح يتعود عالاثنين
وبتصير عندو كتير عادي
وممكن يبطل يقارن في حال كان عم يقارن بيناتكن من الاساس

لانو دايما الانسان بينبهر باشيا بحب يشوفها او يعملها بعدين وصل لمتغاه فبحس بالاكتفاء
وهون رح ينبهر من اول وجديد بشخصيتك انت
وبالنسبة للشعر خلي شعرك نفس الطول وفوتي عاليوتيوب وشوفي طرق بتقدري تعمليها بشعرك بتوهم اللي بشوفك انو كتير قصير
وهيك بتكوني ضربتي عصفورين بحجر واحد

الله يسخركن لبعض

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه