اجد الموقف ايجابي. لانك فرغت حمل على قلبك
و حتى لو لم يعتذر زوجك. لكن وصله شعورك و مدى الالم. بردات فعله
فأظنه سيقف عن مداحرتك. و هذا جيد

__________________

ليش زين منه أعطاني كلينكس؟؟
ليش هو مضروب عشر مرات؟؟
علميني ليش تفرق..!!!

لأي شيء استندتِ في اصدار حكمك؟؟؟

بإختصار
المسألة مسألة مبدأ وليس كيسين..

الفلوجة بيننا سنتين هو عمره ٤٧ وأنا ٤٥

كملي يام دان

معكِ انتظر البقية

انا مع التغافل والتغاضي والتنازل وعدم التدقيق
لكن رغم محاولاتك طي صفحة الموضوع هو بالمقابل أصر على بقائها مفتوحة..
الحمدلله ان الاحداث جرت كما أراد الله ليعلم مدى الألم الذي تشعرين به..
اسأل الله ان يمنحك راحة البال والقلب..

ماقرات الردود كلها ولكن ملاحظة ان تصرفاتك
مبالغ فيها وفيها نوع من الدلع رغم انك امراة
ناضجة لكن متسرعة وتتصرفين كواحدة ببداية الزواج!!
زوجك طرشك خرجتي من البيت ورحتي فندق!!

ردة فعلك قوية احد اخر ما حيتحملها هذا لي خلا الخطا يركبك وتصيرين انت الظالمة
كان عليك تزعلين ببيتك ليه الروحة لفندق الرجل الشرقي ماحيتقبل هذا الشي والمراة المسلمة
غريبة تتصرف هيك!!


انا شايفة الحق مع زوجك انت اخطاتي اكتر منو
واذا عجز يرجع زي اول انا بجد عذراه

والمشكلة انك مستمرة في الغلط وتنتظرين يعتذر ويندم هذا مارح يصير لانك مساهمة بالغلط اكتتر منه!

قلوب حائرة
هل ورد في كلامي زوجي زعل وتضايق لأني ذهبت للفندق؟؟؟

زوجي تقبل الموضوع وإنتِ وغيرك سويتوا مشكلة منها.. مع إن الفندق ماهو أساس المشكلة..ولا فرع منها.. وإلى اللحظة زوجي ماتطرق بأي كلمة بخصوص الفندق..

إلى ماذا استندتِ خطئي أكبر من خطؤه؟

اذا زوجك ما زعلو روحتك للفندق احمدي ربك غيرو والله ما حيتقبلها وماحيكون سهل
ترجع لبيتها! باين عليه شخص متفتح ماشاء الله
بالنسبة لي اخطأتي لما راجعتيه الضرب وماتوقفتي هنا بل غادرتي البيت
وهذي ردود فعل وحدة حديثة بالزواج وماعندها خبرة وانت ماشاء الله عندك احفاد


ادري الواحد لما يعصب مايكون بوعيو لكن المشكلة للان تريدين ان تلمسي ندم زوجك

وانت اخذتي حقك منه مرة ومرتين !

لو الموضوع توقف عند ضربه لك معك حف ان لم يعتذر او يبدو عليه الندم
لكن مالا تريدين فهمه انك بتصرفاتك بعد ما ضربك ازحتى عنك صورة المظلومة والبربئة

بعدما هديت خرجت له بالصالة وهو عند التلفزيون يقلب القنوات..

فجأة قال أنا أبوي بيخليني ذبيحة للرجال.. أجل إنتِ بتصيرين ذبيحة للحريم لأنك إنت كمان ضربتيني..أنا سكت ومارديت عليه..

شوي ويقول ياذبيحتي قومي سويلي شاهي..
قلت له الشاي برة لما يجون العيال يدخلون الأكياس سويت الشاي.. قال روحي جيبي الشاي وسوي شاي..قلت له جيب الشاي من برة وأنا أسويه..

سكت وأنا سكت يمكن ١٠ د...

بعدها قال تدرين وش يكسر غرورك؟
قلت له الحمد والشكر لله ماني مغرورة..

قال مغرورة ونص، لكن أنا بكسر راسك بالثانية ..

قلت له الله يوفقك..
قال الحين تقولين الله يوفقك يوم تجي الثانية نشوف وش تقولين..

قلت له إنت تبي تتزوج؟؟
قال إن شاء الله وإنتِ السبب..

قلت له تزوج من غيرر ماتهددني..وترى مو أنا السبب في زواجك..ولعلمك مو فارقة معي..

قال ماقلت إنك مغرورة، لاتكابرين ترى مو في مصلحتكِ..

قلت له ماتلاحظ أنت رحت بعيد عن سبب المشكلة؟
حِل مشكلتنا وبعدين تزوج مثل ماتبي..

قال حلها إني أعاقبك ومافي أقوى عقاب للحرمة غير حرمة ثانية..

قلت له إنت كويت قلبي أشكال وألوان وصدقني الحرمة الثانية ماراح تأثر علي..

قال نشوف يوم تجيك واحدة تشارككِ تتأثرين ولا لأ!!
قلت له في ايش تشاركني؟
أنا في بيت وهي في بيت
ماراح تشاركني في بيتي ولا أكلي ولا لبسي ولا فراشي
وين المشاركة؟؟
لا تتوقع مني بيوم أمنعك تتزوج ثانية،لاتتوقع أني أوقف بطريقك.. اللي تبغاه سويه..
طبعا كلامي حسسه إني بايعة البيعة،، صار بدل ما يقهرني قهرته

قلت له إنت الحين كل تفكيرك ولدك انضرب وإنت انضربت..

هل حاسبت نفسك إنك إنت اللي بديت بالضرب؟
هل كنت معي لحظة بلحظة في المناقشات مع ولدك لما كان مصر على الزواج؟
هل فكرت ليش ولدك فتح مشروح الزواج مرة ثانية؟

قال حلاله يسوي اللي يبغاه..
قلت إي نعم حلاله بس منت داري عن المصيبة اللي انحط فيها ولدك ..ولدك حمل هم أكبر منه وهو ياكبدي عليه صغير، ماقال ولا بين شي لأحد..

(شرحت له موضوع ولده بالكامل)وهذا الجزء لا أود ذكره..

نصيحة مني قرب من عيالك قرب من بناتك محتاجينك كلهم...

أصريت تزوج عيالك وهم صغار..حملتهم مسؤولية أكبر من سنهم وصاروا آباء وهم بعد محتاجين لأب يرعاهم..

قال من متى العيال يجوني يكلموني،العيال مايعبروني، من هم صغار كل شي معك إنتِ مسيطرة عليهم ..

قلت له إنت تخليت عن دورك ،اضطريتني أمسك دورك، لما توليت المسؤولية تسميني سيطرت عليهم؟؟!!هذا هو جزاي منك؟

إنت ماتدري عن شي..حتى بلوغهم ماتدري عنه، ولا تكلمت معهم بهذا الخصوص، حتى هذه المهمة الذكورية الخاصة أهملتها وأنا اللي قمت فيها!!!
طبعاً العيال بيصيرون قريبين مني وبعيدين عنك..

للحديث بقية..وللمعلومية الحوار كله من أوله لآخره كان بزعل ونرفزة..