اختي الكريمة انا انصحك نصيحة خذيها او ارميها في البحر

اذا زوجك يبي زوجة تقوله سم وابشر وتحت امرك وتحسسه انه ملك مو بفلوسها بتصرفاتها وانتي ماعندك هالمقومات فأنصحك اتركيه ولا عمرك راح تتاقلمي معاه طبعك غير عن رغباته ماراح تمشي الحياة بينكم ابداً مهما حاولتي
يا بنت الاجواد لاتروحين بعيد اختي متزوجة من رجل ولله الحمد طيب وحبيب لكن مايحب اللي تناقشه ليه مانروح وليه مانسافر وليه ماانام عند اهلي وليه ماروح السوق مع عيالي وليه ماتغير هذا
ترد الكلمة بكلمة يقولها طفشت منك تقوله ماحد جابرك علي
يقولها لسانك طويل تقوله مو اطول من لسانك
يقولها اعقلي لاتستفزيني تقوله من دق الباب لقى الجواب
طلقها وجاتنا تبكي نذل طلقني يتكلم علي انا ساعدته واشتري اغراض للعيال ولاعمري قلت له عطني مصروف لهم ويقول ويقول شحنتنا عليه انا ولعت لو اشوفه اكلته بقشوره
راح الوالد وكلمه ورجع للبيت قالها ظفي اغراضك زوجك بيجي ياخذك الحين ويردك
قالت لا ما ارجع له الا يعتذر لي وغسل ابوي شراعها وطلع المستور والرجال صابر على دقها بالكلام وردودها المستفزة
فاهمه ان الزوج له قيمة وان اسلوبها غلط تعلمت تقوله تكفى يابو عيالي بطلبك يقولها تم
طلب جعل والديك بالجنه يقولها ووالديك
الله يعافيك ودي بكذا يقولها ابشري غيره

تغير اسلوبها من بعد ماكانت تقوله ابي اروح لاهلي قم ودني وش هالاسلوب تحسبه واحد من اخوانها هالكلام تقوله لي انا مو لزوجها فاهمه علي ؟

الآن اختي لو ماتغيرت والله ان تجيها الطلقة الثانية والثالثة وراها على طوووووووووووووووول
انتي تبين تتغيرين من جد ولا كلام جرايد ؟
تقولين ابشر العشاء جاهز على 8 ثم ترمين الصينية وقفي لايكب العشاء ويقلب الدنيا على الاسلوب

بتتغيرين من الداخل من جد وتكونين مطيعه انصحك كملي
بتتغيرين بس علشان الموقف الآن مشتد وترجعين لدقة بدقة لاتكملين لانك تأجلين الواقع والانفصال سيقع لامحالة
والله اني ناصح لك وان اختي تشبهك بداية حياتها وتقول نفس الشي مااحبه ماابيه مايحترمني مايقدرني يهينني كلامه يجرح غيرت اسلوبها تغيرت حياتها بالكامل
زوجها لاجا عندنا وجو يسرون يقول نادوا الشيخة
وعقلك براسك تعرفين خلاصك وبنت الكرام قالت لك عندك موهبة تصعيد المواقف فأنتبهي