خالة بيتا تصرفات زوجك واضحة وعنده وسواس وافكار مسيطرة عليه وما بيقدر يتحكم فيها وبتوديه الى الشك وهالوسواس مرتبط فيكي ففط
ممكن يحاول يقنع نفسه ويسيطر لبعض الوقت ولكن بالنهاية رح يغلبه الوسواس والافكار ورح يحكي وما يطنش
متل ما صار بقصة السيارة وسألك بالاخير اذا الك يد بالموضوع
وهالشي ما ممكن يطلع منو الا بعلاج وبالفعل هالشي بيتعبه وبيتمنى بخلص من حالته بس لازم يعترف اول شي فيها الله يشفيه ويعافيه
وبنفس الوقت يا خالة صار عندك ضغط نفسي والانسان مش مكنة الكترونية فاكيد بعد كل المواقف اللي عشتيها وعلى مدار كم سنة رح تترك اثر عليكي

يا ريت بتتواصلي مع اخصائي من دون علم احد
فقط انت لا غير لتخرجي كل الضغوطات اللي تراكمت عليكي والا مع الوقت رح توصلي لمرحلة الانفجار
كل انسان عنده طاقة
يا ريت بتعملي دورات لغة بالمانيا ومع الوقت كثفي زياراتك على المانيا بما انو الشباب بعدهن عزاب وهيك بتقدري تتواصلي مع دكتور وفي حال عرف حدا من اولادك او احدى صديقاتك بالمانيا
قولي بدي استشيره بموضوع زوجي وكيف اتعامل معو لنكمل حياتنا بسلام
ابدا ما تقولي السبب عنك
و اكيد الطبيب رح يعرف وضع زوجك ليعرف يساعدك على تخطي التراكمات
وفي حال احد ابنائك حب يروح في حال عرف بالموضوع بتكوني مسبقا طالبة من الطبيب انو ما يجيب سيرة علاجك واكيد بيحترم هالشي

دعواتي ترافقك يا خالة
ربي يبدل حالك الى افضل حال
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

عم بحاول يا ميمو وسالت عن معاهد لكن التسجيل لسه .. غير اني قريب اطلع من هاي المدينة عشان اشوف الولد الثاني وهناك بدي ابدا من جديد اتعرف عالناس واسال عن المعاهد .. وكله بدو وقت
بدي بهاي السفرة اشوف المعاهد واشوف شو الامكانية لطلب فيزة على اساس قبول من معهد اللغة .. لعل وعسى يعطوني فيزة طويلة شوي

العلاج هنا ممكن مع انه اسعار العلاج نار ومش عارفه كيف ممكن اطلع كرت تامين واذا راح يغطي العلاج النفسي
كله بدو وقت ولحالي .. الله ييسر

__________________

اذا عملتي تأمين بغطي العلاج يا خالة بس الاسنان والعيون لاء اذا متل عنا
الاهم استغلي فترة وجودك بالمانيا لتريحي اعصابك وعيشي يومك بيومه وما تفكري شو رح يصير بس ترجعي وحاول ما تفكري بالماضي
ولو اتوفر معهد للدراسة هالشي رح يساعدك كتير
وفي عاليوتيوب متل ما عم تعملي وشوي شوي احتكي بالجيران وكلمة من هون وكلمة من هونيك رح تلاقي حالك حكيتي اللغة

مش بالضرورة هيدا المشوار تروحي لعند طبيب
حطي هدف براسك انو يكون في مشوار تاني وتالت
واعرفي انو العلاج لراحتك انتي
وكلنا بحاجة لعلاج لانو مرات الاشخاص اللي حولينا ما بيفهمونا
وانا بس حس حالي مضغوطة وما قدرت روح بيستشرلي زوجي لانو عنده طبيب نفسي وطبيب صحة
هالشي كتير عادي هون وحتى بلبنان صار كتير عادي

ربي يجعل لك من كل ضيق مخرجا ومن كل هم فرجا

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه