كنافه لا تخلينه يسيطر على تفكيرك وحياتك بالشكل هذا ، لا تلغين ذاتك هو زوجك وله حقوق لكن له حدود بعد ، كلميه بكل أدب وأسلوب راقي بدون صراخ أنت زوجي ولك التقدير والإحترام ولك حقوق لكن غير مسموح لك تصارخ علي وتجرح فيني وغير مسموح لك تتحكم في حياتي وفي صداقاتي ،
شيليه من بالك نهائيا هو ومشاكله ركزي على نفسك حاولي ترضينها إنشغلي بهواياتك بصديقاتك بجمالك لنفسك وبس سوي الأشياء الي تحبينها وتستمتعين فيها ، لا تحرصين على رضا أهله عشانه و
لا تحرصين على رضاه قومي بحقوقك الي عليك تجاهه وبس لا تكلفين نفسك فوق طاقتها ، تعاملي بكل برود وهدوء و إسترخاء ولاتفارق وجهك الإبتسامه حبي نفسك وأسعديييها لا تنتظرين من أحد يسعدك مثلي السعاده لين تحسين فيها صدق ، ترى الزوج مكمل للحياه بس هو مو الحياه كلها .
وأولا وأخيرا إلجئي إلى الله إدعيه في جوف الليل إشكي له هو وحده بيده الفرج وبيده الحل ، إدعيه يهديك للحق وإلى مافيه خيرلك .

الله يوفقك ياكنافه شلت همك حيييل
لا تحاتين كل مشكله ولها حل ولابد مايجي الفرج . فرج ربي قريب وربي رحمته واسعه
ماييأس الإنسان من رحمة الله .
نفسك يا كنافه نفسك وبس وعيالك .

__________________
الحمدلله حمدا جزيلا ...