خالة بيتا و هاجر و البقية

بالضبط و الله وصفتوا الحالة الي انا فيها


المشكلة لو اني عاملتهم بكل رقي و ذوق و مثل ماهو مكتوب بالكتب ..
يطلع لي واحد مثل ولدي الكبير ( نعوم و دلوع و حساس )

عكس اخوانه .. و الله يكسروا بعض تكسير ماشاءالله
و انفجع .. و بعدين الاقي اخوه ( يضحك ) و يبغى يتلطش كمان من اخوانه

يكون واحد منهم راقد .. و التاني ينقز فوق بطنه من فوق الكنبة
و انا اصرخ عليه ( ولدددددد ) .. الاقي التاني مبسوط و عجبه

و لا يعطوا بعض بوكسات ..

امس فتحوا درج المطبخ و شايفتهم أخدوا سكاكين كبيرة ..
و يعطي اخوه السكين التاني .. عشان يلعبوا و يتقاتلوا و مبسوطين ..

سحبته من يده و رفعت السكاكين فوووووووووق ..


قبل كم يوم .. شافوا بالمستشفى ..
سجادة صلاة حاطينها العمال .. و على شكل مربع عشان وقت الصلاة ..

اولادي على بالهم انها ( حلبة مصارعة )
فصخوا جزمهم الله يعزكم و راحوا يتقاتلوا مثل مصارعة اليابانيين الي مالهم لابسين شي

او يمشي بالبيت بدون قميص و يقول انا الرجل الأخضر ..

يعاندوا و ما يسمعوا الكلام .. و تطالعي فيهم ..
يفرحوا و ينبسطوا و يضحكوا انهم استفزوكي ..

بالاخير صحيح يحبوني و يسمعوا الكلام على حساب أعصابي ..
بس متعبين متعبين متعبين
الله يهديهم و الله ..

.
.


مهرة ..

انا ولدي عمره 8 و نص و امس جالسة أفكر في موضوع الصلاة بجد !؟
و مثلك محتارة .. ابغاه يصلي بدون ما اغصبه ..

فتلاقيني أتقصد وقت اشرح له مادة التوحيد و الفقه ..
اني اجيب له قصص و اشرح له فضل الصلاة .. و زي كذا ..

و اخليه يشوفني كيف اصلي لحد ما يتاثر تلقائي ..
بس امس قررت اني أمنعهم من اللعب وقت يجي وقت الصلاة ..
و يكفي دلع