انا اعرف ان ردودي ماتعجبك اذا ماعجبك كلامي ارجوا عدم الاقتباس واهمال الرد تماما
اولا المحامي هذا مو شاطر لكن زوجك هو اللي يجهل الاجراءات بالمحكمه
وانا لما ارد من واقع حصل امامي
زوج قريبتي الرجال يبي الصلح وهم الا محامي يحضر الصلح
لا وهو ضاربها بعد جاه المحامي وذكر له النفقة والضرر من عدم ذهابها للعمل بسببك
قال ماحبستها مااقفلت الباب عليها وخرجت وتركتها محبوسة ياشيخ اللي حصل
عملها في وقت مايتناسب مع عملي وانا حسب شرط عقد النكاح موافق تشتغل بس ماوافقت اوديها وارجعها اجيب لها باص نقل مع محرم والله يسهل دربها ويحفظها رايحه وراجعه
قالوا النفقة قال هي طلعت من بيتها انا ماطردتها ولا وديتها لاهلها هي اتصلت على اخوها واخذها ورجعت ماحصلتها
طلبوك للصلح وماحضرت قال مايحتاج صلح وانا ماتهربت انا بس مشغول ثم يرجعون زوجتي اللي اخذوها من بيتي وماله داعي الشوشرة
الزبدة المحامي يحسبه يبي الصلح خايف وهو بس مايبي محاكم وفضايح ولا يبي يكذب انه معاند
اخر شي الشيخ قلب عليهم وقال للمحامي قول لموكلتك زوجها بيوفر سواق لدوامها ترجع بيتها وتطيع زوجها وعطاهم موعظة عن حق الزوج نص ساعة
فلاتتوقعي ان القضاة يستقبلون هالقضايا بصدر رحب معظمهم يسمع للزوج خصوصا لما يفتتح الجلسة بكلمة انا احب زوجتي ياشيخ وابيها ترجع بس لعانة ولا رجعت وراها نجوم الظهر
ولا تفتك منه الا بطلاق او خلع
فالحمدلله انكم اهل ماراح توصل بينكم الى هالدرجة

انقلي هالكلام للمحامي وقولي لو رد زوجي بهالكلام لو تصعد الموضوع ووصل للمحكمة ايش ممكن يصير والشيخ ايش بيقول وانت ايش بترد ؟
ولاتنسين انتم عليكم البينة لازم تثبتون كلامكم بينما هو عليه فقط الجحود حتى لو حلفوه ممكن يكذب دام هذي افعاله الحالية

واعتذر على الاطالة وعلشان كذا انا اقول صيدوه من راسكم لراسه افضل