حبيبتي كنافة انا بشوف انو اللي اكتر شي مأثر فيكي انو يجي يوم ويعايرك بتقصيرك
وكتير بتتأثري بنظرة الناس
صدقيني هالشي بيتعبك كتير بالعكس خلي ثقتك بنفسك كبيرة ويا جبل ما يهزك ريح
يقول شو ما بدو واتركي بكرة لبكرة هلئ عيشي حياتك بالطول والعرض
وامدحي اكل زوجك وبالعكس صيري اطلبي منو اكلات وانت اعملي،ريلاكس اهتمي بالمولود
وخليها فرصة وقوليلو حبيبي بما انك استلمت المطبخ ومبسوط بهالشي صار عندي وقت لاقبل باي وظيفة انا بحب مارسها .
اتقربي منو بمدحك لطبخه وصيري امدحي اكلاته امام اهله
مثلا قولي يا الله فلان (زوجك) رح ينافس افضل شيف بالعالم ما عم يخليني اعمل اكل استلم هوي المطبخ وانا فرحانة لفرحه مع انو كنت حب ضل اخدمه بعيوني بس بما انو مستمتع بالطبخ انا كتير مستمتعة باكلاته وربي ما يحرمني منو
لازم توصلي،الرسالة اللي خايفة انك تسمعيها بيوم من الايام انك مقصرة
وبس يجي عبالك طبخة اعمليها
بس اتكلي عليه بالوقت الحاضر وشوفي
دايما التجربة خير برهان ما رح تخسري شي عزيزتي اذا جربتي وشفتي ردة فعله
ممكن بالفعل تلاقي وقت لنفسك وطفلك وبنتك اكثر من قبل
وممكن بالفعل عشق الهواية متل صاحبه
وانا عمي واخوال ماما شيفيات عندهن هوس بالطبخ وهالشي مريح زوجاتهن ومبسوطين بهالشي
المرأة لتكون انثى مش ضروري تربط انوثتها بالمطبخ
مع انو بشجع المرأة دايما تدخل المطبخ لتعمل شي صحي كرمال نفسها وعيلتها
بس بحالتك بنصحك استغلي الفرصة واستمتعي بهالشي بدل ما يكون مشكلة بالنسبة الك خليها شي حلو عم يصير قدامك

الله يريح بالك ويسخر لك زوجك كما تتمنين
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه