مشكلتك يامنفرده انك تعانديه...سلكي ومشي الامور وداريه...وتعاندينه باشياء تافهه ماتستاهل منك هذا كله..طبعا ضربه لك غلط اكيد100٪ بس انتي بعد خفي عليه شوي لاتعاندينه وبنفس الوقت لاتتلفظين عليه وقت الزعل بكلام جارح يستفزه...منفرده بقولك على شي...اختي عندها ضره(طبينه) عشرة اختي مع زوجها سنواااات ولا مره مد يده عليها( مع انو زوجها عصبي جدا) بعد سنوات تزوج على اختي يدور الضنى ..كل بعد فتره يضرب زوجته ضرب مو طبيعي لدرجة مره كسر لها سنها...اختي جدا مستغربه لتعامله مع زوجته الثانيه هي ولامره ماشالله مد يده عليها ابدااااا...الخلاصه(راجعي تصرفاتك يامنفرده واتركي العناد والاستفزاز)

اتمنى يامنفرده تتطمنينا عليك
واذا ضايقتك ردودنا تأكدي مانبغى الا مصلحتك وخوف عليك وع حياتك الزوجيه...
نحن هنا اخوه والجميع ينصح من قلب محب
الجميع هنا يتمنى لأي زوجين المحبه والتفاهم والحياه السعيده...

__________________
(سيدة الموقف)
لم ننساك ونسأل الله ان تكوني أنتي وأولادك بخير

طمنينا عليك منفرده عساك بخير

رسل على جوال امي مقطعين فيديو وانا رديت عليها بمقطعين من جوال امي
اذا تهمكم بالتعليق ممكن انزلها ..
وظهر الخميس لقيت ثلاثه اتصالات من ولده
اول مرا يتصل عليا ..
الموهم طنشت لكن قلت بقلبي لا يكون سار لزوجي شي
رجعت اتصلت عليه قال لي انه ابوه قال له يجيني ياخذني علشان تطعيمة بنتي
الموهم فكرت شويا بعدين قلت له طيب تعال
تجهزت ورحت .. بالطريق اتصل زوجي ع ولدي قال له تعال لي ع البيت وإذا جيت اتصل عليا
انا يدي ع قلبي .. جينا بيتهم واتصل على ابوه

نزل بالحوش ومن بعيد قال لولده جيب البنت
اخذها .. وقال هاتوا رضاعتها.. وأخذوها وقال روحوا سوو لها موعد .. انا جلست ابكي واتصلت على امي قلت لها اخذ البنت وطلعها عندهم .. امي تهديني تقول ابوها ويخاف عليها زيك .. بس انا كنت خايفه زوجتوا ما تتقبلها ويتضاربوا قدام بنتي .. يكفي انها كانت تبكي لما تضاربنا ..
ولده قال لي ماعليك بنزل بسرعه اخذ موعد وارجعك تاخذيها..
المركز جنب بيتهم ب اقل من خمسه دقايق رجعنا .. اتصل على ابوه قال له انا تحت.. قام يصرخ يقول له بدري ومدري ايش .. المهم نزل ولما شافني بالسياره عصب وقام يصرخ على ولده يقول له ليش جبتهااااا ليش ما خليتها تنتظر هناك .. طيب اوريك ويخاصمه حسيت وقتها بالاهانه
قال له ولده : الان دورها
قال زوجي متأكد الان !
قال ولده ايوا
قال زوجي يلا روحوا ورحنا وهو اخذ بنتي معاه ولحقنا

لما طلع ولده السياره قال يا ويلّي والله مدري متى دورها وماسألت بس كنت بجيب لك اختي

لما رحنا نزلنا وأبوها جلس معاها بسيارته برا
اول ما دخلنا الا رقمنا .. ورجع ولده اخذها وجابها
لما دخلنا عند الدكتور .. اتصل على ولده قال له اسألها ايش تبغى للبنت من السوبرماركت او الصيدليه
قلت ما أبغى شي
قال لولده الحقني عند السوبرماركت
خلصنا ولحقناه..
اداه اغراض لبنتي وحتى اكل لعمر خمسه شهور كان رافضه.. جابه كذا نوع .. وأدى ولده فلوس اداني إياها .. وقال له اذا تبغى شي من بيتها وديها.. وسأله ان كان معايا مفتاح او لا ..
وبس


وبس هذا اللي صار

المقطعين كانت تتكلم انه كان يحبني والان كرامته فوق كل شي 😐

__________________

يا عيني على الحب
عموما منفرد كلنا مرامتنا فوق كل شي والرجل بالذات كثيرا ما تنقح عليه كرامته

لكن صراااااحه اعجبني اهتمامه في بنته وفيك رغم كللللل اللي صار

منفرده زوجك ذهب لااااا تخسريه نصيحه اقولها لك زي اختي

جلسه هاديه تقولي فيها كل شي وتعتذري ويعتذر
وارجعي لرجال قايم بواجبه رغم زعلكم من بعض ينشرى والله بهذا الزمن

السلام عليكم ورحمة الله وبركاته..

ما الذي يمنعك منفردة بأن تبدئي أنت الإعتذار وتعتذري؟!

مافعله لأبنته طبيعي جدا..

منفردة تحركي لأجل الإعتذار قبل أن تزيد الفجوة وخاصة من طرفه، انتبهي

لا تقولي كرامة ومو كرامة..

اتصلي وتناقشي معه بهدؤو واتفقي معه ومن ثم كلا منكما يعتذر للآخر..

وحرام منفردة ماما مرة تعبت حلي مشكلتك هذه المرة وحدك لأنه أنتو الإثنين أخطأتم

اسرعي فالوقت الذي يمر دون شيء ليس لصالحك..

وفقك الله لكل خير.

كوكتيل اي حب .. اقولك رسل انه عنده كرامه وانه الان خلاص مل مني وماعاد بيرجع وياخساره ومدري ايش
سقيا ..

المشكله انه هو سيد التطنيش يعني ما يهمه يقدر يكابر وقت طويل
وانا ابغاه يعرف انه مدة اليد غيرتني عليه

اوقات اقول ان رجع وتصالحنا بتغير عليه وأصير جافه معاه او اكون ع الصامت ونعيش حياة مالها طعم
وأوقات اقول بتغير ونتناقش ونبدأ من جديد

بس كيف ابدأ من جديد ومن فين ابدا
وهو ضربني وكمان مو هاين عليه يراضيني
حتى رسالته ما كلّف ع خاطره يرسلها ع رقمي

__________________

السلام عليكم ورحمة الله وبركاته..

هذه المرة زوجك لن يبدأ بأي صلح والله أعلم لأنه صح غلط وضربك لكن أنتي كمان..

والمشاكل السابقة هو الذي يبدأ كان فلهذا هذه المرة منفردة غير عن باقي المرات..

الأمر الثاني حياتك بالعكس لمن ترجعي خليها طبيعية جدا ولا تسوي تصرفات تزيد فجوة بينكم ولا تهتمي لذلك

الإعتذار والنقاش حيمسح المشاعر السلبية التي بداخلك..

ارسلي له رسالة بأنك تريدي التحدث معه في شأن أمركما وجميعها لا تقولي أمري لأنه لغة المفرد مش لبقة..

وحيتصل وتحدثي بس هاه انتبهي انتبهي لو النقاش حد تفعلي تصرف مش حلو وبهدؤو تام..

اعرفي سبب أفعاله ليش صدرت والله أعلم هو متراكم من أفعالك منفردة واتفقي على عدم مد اليد مرة ثانية وهكذا.

اصلحي و توكلي على الله..

منفرده
هو احسن من غيره
انا مشكلتي شبيه بمشكلتك
و لي الان شهر و اكثر
لا اتصل و سأل عن ولده و لا ارسل له مصروف متخيله البيبي و مصاريفه كلها علي الحين
و ولدي نور عيني اعطيه مويه عيني بس ما احب الاستغلال يرفع ايده و اذا كبر ولدي اخذه من حضني
كذلك عنده موعد التطعيمه و لا سأل او ارسل احد يسأل
ولوما ربي يوم المشكلة الهمني و اخذت كرت التطعيم و اثباتات ولدي كان للحين ما تطعم
و هذا كلهبالخفاء يعني ما يدري اني طعمت الولد للحين
و بالاخير يقول انا ابوه و مسؤول عنه

الخلاصة زوجك يرسل كل هالاشياء بس كذا تخويف و يبيك انت تعتذري
و انت اكثر وحده فاهمته و عارفه نفسه طويل او لا
و من هنا اقول لك خذي قرارك
اما تطنشين
او ترسلين كل اللي بخاطرك و انك منتظره منه اعتذار
دام باب المراسلة بينكم مفتوح

الله يفرج همك و همي و كل مهموم 💔

__________________
ي رب رضاك و الجنة