السلام عليكم ورحمة الله وبركاته

اختي الكريمة جزاك الله خيرا

حبيت أوضح لك نقاط يمكن تساعديني

انا بعد ما كتبت الموضوع حبيت اني أجد طرق لصلاح الأمر
ف في نفس اليوم في الصباح الباكر قبل صلاة الفجر حصل التالي
صحت بنتي الصغيره فزعه من النوم وتبكي وعمرها 4 سنوات بالضبط
ف شاجرتها بزجر وبشاعه وكادت أن تضربها ف تكلمت ونهيتها عن ذلك
وقلت لها باللفض هذا بالضبط
تعوذي من إبليس هذا حرام البنت خايفه تحتاج تعامل بهدء اتقي الله هذي وساوس شيطان
بالنصح
فما كان الرد إلا .. إن شاجرتني وصارت تتكلم علي ك أي شخص حاقد يتلفض بأي شيء يخطر على لسانه وتعوذت من الشيطان وتمالكت نفسي وصليت الوتر وهديت شوي
وبعد صلاة الفجر لبست لبس الدوام وذهبت للعمل وتفاجأة
وين دراستي الجامعية قلت مافيه دراسه خلاص انتهى ابي اشوف ردة فعلها
وقامت تقول مو باللفض والله ما اجلس واللحين أكلم أهلي والله مجلس دقيقه
وكلام كثير ما ينقال سويت نفسي ماكأني سمعت شيء
ذهبت للعمل واستاذنت ورجعت لكي اوصلها للجامعة عندما اوصلتها ورجعت للعمل
بعد ساعه ونص وانا أفكر ... بالعواقب الي راح تحصل ونقلت هم بناتي كثير
ف قلت خليني اعتذر منها ممكن تتلطف القلوب من للاعتذار وتتفهم وتهدا كم يوم
وأقدر اني اعالج الوضع معها بهدوء أو اقدر افتح مجال لنقاش
المهم اعتذرت برسالة نصيه
النتيجه كانت جيدة إلى حد ماء
هدى الوضع بالبيت ممكن 4 أيام وغيرت الروتين طلعات مطاعم تمشيه تلطيف جو
حطيت في بالها ما أحد من الصديقات تنفعك ولاتمشيك ولا تشيل منك ذنب واحد
المهم مع كل الأشياء هذي
مافيه ولا نسبة واحد بالميه تغيير من ناحية المعاشره إطلاقا ولا تحرك ساكن بالنسبة لتفقد حاجة الزوج من معاشره كلام جميل أسلوب جميل تزين لبس يفتح النفس اهتمام بالزوج
كلها معدومة فقط تحسنت معاملتها مع الأطفال قليلا
ورجعت الأمور مثل أول وكل مأتذكر الله عز وجل أهدى وارتاح واحتسب الأجر
والمشكله الكبيرة اني لي الحين أسبوعين بالضبط مالمستها ننام على سرير
كان كل واحد بغرفه ولا حتى لمحت لي اذا محتاج شي كأنه عاجبها الوضع
وانا صراحة الشي الي بدون نفس ما احبه

ولكن اكتشفت أن خواتها الي أكبر منها بالضبط والي أصغر منها كلهم متزوجات
يحرضونها بطريقة غير مباشره علي مثل تحريض على لا تسوين أكل اذا جيتي من الجامعه
اشتري من المطعم !!!! فرصتك تجيبين شغاله لازم تجيبين! !!!!!! مع اني انا الي من مزاجي وبأختياري أمر المطعم وأخذ غدا تقديرا لوضعها من دون لا تطلب وهي بعد ما جات على بالها هالفكره والاحض لها يومين تطلب مر ما اقدر اسوي تعبانه! !!
عملت كل شي ولازلت اسايسها والحين أي كلمة أقولها ما تتقبلها ابدا
ولها يومين تشتكي تقول تعبانه ومريضه رجلي وضهري !!!
انا الي مخليني أصبر زياده أنها بالشهر الثاني حامل.

وأبي نصيحتكم أصبر لين تجي العطلة بدون لا أوضح لها شي واوديها ل اهلها
واحكي ل اخوانها الكبار وأمهم الموضوع واقولهم يسنعونها واخليها سبوعين ثلاثه
والا انتضر العطلة الصيفية احطها شهرين وأرجع
ابي رايكم انا هذا الي في بالي
طبعا بتكون فيه مقايضة عند اهلها يا تتعدل والا مافيه دراسه وبتزوج ثانيه وبعلقها عندهم

انا احس مو منها التصرفات هذي ومتأكد أن فيه تحريض


والله يوفق الجميع و السلام ختام