رد: خيالاتي .. كيف أتخلص منها !
غاليتي نقطه الخيالات غطاها الاخوه الله يجزاهم الخير
المشكله الثانيه اقتناعك انه زوجك غير معجب بك
ليش اقنعتي نفسك بهذا الشي؟
بسبب كلامه او بعض انتقادته!؟. ليش مانقول
انه يشوفك كثيره عليه ويحاول يكسر مجاديفك عشان
لا يكبر راسك خاصه مع مدح الغير
تصرفاته هي الي تثبت حبه لك
معاملته بشكل عام معك كويسه
مايقصر عليك ماديا
طلباتك موفره
يطلعك من وقت للثاني ( فكرته لكسر الروتين)
لما شكيتي له حاول يغير من نفسه وماطنشك وقالك ذا الموجود
لما صارحتيه اكد لك انك تعجبيه
كل هذه اشياء تاكد حبه لك وهذه فقط مما كتبتيه
اجلسي مع نفسك وراجعي تصرفاته معك بصدق
بتلاقيه يموت بدباديبك 😁
والاهم من ذا كله ايش يجبره يجلس معاك اذا مايحبك
كان يابيسوي لك مشاكل عشان تنفصلو
او يدور الثانيه
او يدور مليون سبب مايطلع معك ولا يطول بجلوسه بالبيت
اتعوذي من ابليس
وبقولك على شي من محيطي اغلب الرجال مايعرفو
كيف يكسرو روتين الحياه والاغلب مايعرف
يوصل حبه بالطريقه الي نحن النساء نحبها ونستناها
هنا دورك انتي حاولي والمهم انه يستقبل ومايمنع
احجزي سفريه بسيطه لكم الاثنين
جددي باماكن اثاث البيت
حطي بنتك عند اهلك واقضو يوم لحالكم سواء بالبيت او
بفندق
اعملو نشاط معين تحبوه
اسحبيه معك للمطبخ واطبخو سوا ودوخيه بكم حركه
ثقفي نفسك بالمجالات الي يحبها هو عشان تلاقي
اشي تتكلمي معاه عنه
الخ الخ من الحاجات البسيطه الي تضيف جو مرح
وتغير الروتين
اغلب الازواج زي زوجك حبيبتي
الي بخيالك مش مووووجووود وكل ماطالت مده
الزواج كل ما زاد الروتين
فاحطي ببالك حتى لو تطلقتي وتزوجتي غيره
بتعيشي سنه ولا 2 وترجعي للروتين لانها سنه الخياه الزوجيه
وبالغالب الحرمه هي الي تفلفها وتبهرها
__________________
سبحانك لا اله الا انت اني كنت من الظالمين
التعديل الأخير تم بواسطة ام يوسف وسما ; 17-10-2015 الساعة 04:39 PM
17-10-2015, 04:11 PM
ضوابط المشاركة
العرض المتطور