على طاري الحلم .. و لما كنت في البوسنة نمت وحلمت بأمي الله يرحمها .. وكان الحلم كأنه ذكريات ايامها الاخيرة ومرضها وتعبها.. ففي الحلم بكيت كثير .. قمت من نومي لقيت نفسي اشاهق وخدودي غرقانة دموع .. طبعا جلست ابكي اكثر واكثر عشان تذكرتها .. ولا عرفت انام مرة ثانية ..


في العيد اللي راح شعرت بشوق شديد لأمي وبكيت من شوقي لها .. وتمنيت حقا اني ازورها في قبرها .. كنت محتاجة احس بقربها .. كنت محتاجة اكون قريبة من جسدها .. لولا انه مايجوز زيارة المقابر كنت رحت .. خصوصا اني اعرف اني راح انهار من البكا ..