السلام عليكم ورحمة الله وبركاته..

يشهي الأكل..

هيدا سمك السردين كتيير مفيد، تسلمي هاجر حبيبة..

ميمو بدي طريقة يخنة القرنبيط.

تسلمن حبيباتي.

وعليكم السلام ورحمة الله وبركاته حبي سقيتي😚😚😚😚

بالنسبة ليخنة القرنبيط تكرمي حبيبتي
هيي اجمالا بتنعمل بلبنان بطريقة غير اللي انا عملتها بس قريبة الطعمة
الوصفة الاصلية
هيي انك تقلي بشوي زيت لحمة مقطعة مكعبات وبس تستوي بتضيفي توم وكزبرة وبس يدبلو بتحطي ماي وملح لتغلي الماي

وبترجعي بسخانة بتقلي ملعقتين طحين بالزبدة لتصير لونها بني كراميل بتضيفيهن عالماي وبتتركيهن يغلوا لتتكثف الماي
وكمان بتكوني مقلية القرنبيط بتضيفيهن عالمرقة
وبس يغلوا شوي والمرقة تصير تمام بتضيفي حامض عليها حسب الذوق وشوي
ومن بعد ما تطفي بتضيفي شوي كزبرة خضراء
وبتتقدم مع رز بالشعيرية او رز بسمتي

اما انا اللي عملتها ما استعملت لحمة ولا قليت القرنبيط
والطريقة
قليت توم وكزبرة وبس دبلو اضفت القرنبيط ني
وشي خمس دقائق اضفت الماي مع صلصة البندورة وملح
وبس يستوي القرنبيط بضيف حامض وبخليهن خمس دقايق وبطفي وبس اطفي بضيف شوي كزبرة خضرة



وهيدي زوجي واولادي بفضلوها عن الاولى
ومرات بعمل الطريقة الاولى

واي سؤال انا حاضرة يا عسل😚😚😚😚

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه