السلام عليكم

اختي صاحبة المشكله
بالنسبه اذا متردده بالموضوع علشان زوجك فانا اقول الموضوع عادي ووافقي عليه

لكن انا ضد فكرة الاقساط بشكل عام
ما احب اقسط او اخذ قرض او اي شي له علاقه بمديونيه

يمكن لاني عزوبي الوضع عندي عادي
سيارتي صغيره؟ عادي اتحمل مو اول واحد ولا اخر واحد يشتري سياره صغيره ولا عندي مسؤليات

اعطيك مثال
انا مغترب اول مادخلت الجامعه كنت احتاج سياره للتنقلات ولا كان معي مبلغ كبير
كنت اقدر اخذ لي سياره جديده اقساط باسم صديق اثق فيه جداً واذا اكملت المبلغ بيكتب السياره باسمي
اشتريت سياره صغيره وقديمه ومشيت نفسي،، اسافر فيها واداوم فيها واتنقل لكل مكان
وجمعت لي مبلغ خلاني اقدر اشتري سياره جديده وكبيره لا دين ولا اقساط ولا شي
صحيح كنت اعاني من السياره لكن ماكان عندي التزامات ماليه او ديون

وحسب اللي فهمت ان ماعندكم اطفال فماتحتاجون للسياره الكبيره،، واذا علشان اطفالكم بالمستقبل تجمعون فلوس ومتى ماجاكم اطفال واحتجتم تغيير السياره بيكون المبلغ جاهز