صباح الحب و الفرح و الامل للجميع ..

صباحك جميل متلك يا ضيفة الكوفي الجديدة الدائمة سقيا 😊

صباحك عافية للبدن ووالروح بعد هذا الكلام الجميل اللي كتبتيه..

كتير سعيدة بمستجداتك و يا رب من نعمة الى نعمة و من خير الى خير افضل مرتقب ..

انا رجعت من كم يوم من لبنان .. الحمدلله شفت الماما و عملت بكل اللي كان نفسي اعمله معها .. كنت جنبها كل الوقت .. بحاول خففلها من وجعها .. قرأتلها كثير من القرأن و الادعية على ماء زمزم و على جسدها و على لعسل كمان...

كانت ايام صعبة و طويلة كانها عمر .. اتذكرت بهالفترة كل طفولتي معها و انا صغيرتها المدللة ..

بس الحمدلله اطمنت انو هيي صارت اقوى بكتير من قبل .. و انو هيي مع رب رحيم ارحم بها مني .. و انا لا زلت اقرالها الاذكار و اطلب من الله ان يوصلهم لجسدها الحبيب ..

اول مرة نتودع انا و اياها من غير دموع ..

__________________
أبسط شيء في الأناقة نظافة قلبك