و عليكم السلام و رحمة الله و بركاته

سقيا سبحان الله انا من المعجبين ب ردودك ،
و شرف لي تواجدك بصفحتي

في كلمة كتبتيها و اثرت فيني جدا

انه انا ب اختبار

ما اعرف ليش أنسى هالشي و يغيب عن ذهني كثير
رغم انه موجود ب ردود الآخوة السابقة ..

انا يا سقيا ما اشكي لأحد ..
و كنت فاتحة هالموضوع عشان اكتب فيه عن كل مشاعري بالذات المؤلمة فيها
لكني تراجعت صرت احتفظ بكل شي لنفسي
تخيلي ماعندي اي متنفس ابدا الا الدعاء
ما عندي اي بديل آخر يريحني ..

انتي تقولين اني امر بمرحلة القبول
انا اليوم بالذات لو تدرين حجم المشاعر اللي فيني ..
أشياء مؤلمة كثير تمر بداخلي
ما اقدر أصرح فيها كلها

منها ان الوالد راح يكلم الشاب بطريقة غير مباشرة
عن الخطوبة و عقد القران و بيشوف ايش رده
لانه مر شهر على صمت مطبق من طرفهم ..

انا ما أخفيك : انا اللي اقترحت هالخطوة
لكن احس بألم بداخلي و تصارع أفكار
( انه ليش انا اللي اطرد وراهم دائم )

سواء بالحرام او الحلال
دائم بهالموضوع بالذات ( موضوع عقد القران )
انا اللي احس الزمهم بإتخاذ خطوة جدية
ترا ولله تعبت
والله شي منهك
بالذات لا كان منسوب الكرامة عندك مرتفع

انا مدري ايش بيفكر عني ؟
ما اعرف عن مجتمع الرجال ..
جالسه اقرأ الردود بقسم المقبلين ع الزواج
احاول استشف وجهة نظر الخاطب لا اختفى
و اتصل عليه والد البنت ..

انا ما أبغى أسوي شي ينقص من كرامتي

معليش ممكن تشوفين الموضوع تافه جداً
لكنه حساس بالنسبة لي
لآني ظليت 4 سنوات اطرد ورا إنسان عن نفس الموضوع
و انتهكت كرامتي
سوري بس الأشياء المؤلمة للحين مؤثرة فيني
و ما أبغى أكرر نفس أخطائي و أأذي نفسي بنفسي بدعوى العفاف

ان شاء الله بشوف مقطع طارق الحبيب
ع فكرة انا حضرت له أكثر من دورة لايف .. و يعجبني تفكيره جدا