|
|
16-09-2015, 03:22 PM
|
المشاركة الأصلية كتبت بواسطة مهره
السالفة بدت في محل الورد.  والمحل موجود في شبه مول صغير جنب الجامعة .. ومعظم روّاد هالمول من طلاب الجامعة. سبحان الله أنا أساساً اليوم مرتاحة نفسياً .. رغم إني مب ماخذة كفايتي من النوم .. وأول ما دخلت انشرح صدري وانتشت نفسيتي .. خاصة لما دخلت المكان اللي حاطين فيه الورد عشان أختار اللي أباه. ما كان في حد غيري .. دخلت وتنقّيت الوردات .. وبدت الفلبينية ترتبهن في باقة .. ويلست أنتظر .. وفي سياق الكلام قلت لها إن الباقة هدية من بنتي لمعلمتها .. وتمينا نسولف شوي عن عيالها وعيالي. وأنا يالسة دخلو ثلاث شباب من أهل البلاد .. إن كانو كبار كبار ما بيكونون أكثر عن 15 أو 16  شواربهم ولحاهم يا دوب طالعة. واحد منهم وقف جدام الكاونتر وسأل العامل إذا عنده لعبة حليوة تنفع كهدية عيد ميلاد .. والتفت يسأل اللي معاه إذا يبون شي .. قام واحد منهم ضحك بتميلح وقال: أنا مالي خص في سوالف البنات .. اشتر بروحك إذا تبا. وعقب قال: الورد ما ياخذونه إلا الرومانسيين .. وأصلاً أنا لو عندي محل ورد بابيع ببلاش. وطلعوا بدون ما صاحبهم يشتري شي. الفلبينية جهزت باقتي وخذتها وطلعت .. وأنا في طريقي لسيارتي مريت جنب سيارة كان واحد من إحدى الدول الشقيقة ينزل منها .. جان يقول: الورد لايق عالورد. يتني الضحكة لأني تذكرت أعمى الألوان اللي قال لي: خالتو  .. مع إنه غالباً أكبر منهم. |
16-09-2015, 03:26 PM
|
المشاركة الأصلية كتبت بواسطة انكسآر حلم
شوهيدا الحتسي
موقف الشباب الثلاثه مضحك بس الثاني تنرفزت منه مدري وش دخلني |
16-09-2015, 03:37 PM
|
المشاركة الأصلية كتبت بواسطة مهره
لا لا يا انكسار .. لا تتنرفزين ولا شي .... لا تخربين مودي الله يرضى عليج.
|
16-09-2015, 03:35 PM
16-09-2015, 08:05 PM
|
المشاركة الأصلية كتبت بواسطة انكسآر حلم
بنات هالأيام أنا مستاءه جداً من خبر عرفته كان الجميع متكتم عليه
باعلمكم لان ودي استفسر منكم اللي عندها خلفيه او قد مر عليها تجربة شخص في عايلتها او معارفها في مثل هالموضوع.. السالفه ومافيها انه طفله بالعايله بالصف الخامس الابتدائي اكتشفوا عندها غدد لمفاويه متسررطنه تحت الابط واستأصلوها والظاهر ان حالتها متقدمه لانه ما اكتشفوها من بدري .. البنت بدأت تآخذ جرع الكيماوي .. دعواتكم لها .. مدري كم نسبة شفائها تتوقعون وهل ممكن بما انها صغيره انه جسمها يقاوم وتستفييد من الكيماوي .. انا جداً متلخبطه وملني عارفه بالضبط وش الي اسأل عنه كل اللي اعرفه ان فيه ناس كثير بمجرد ما اخذوا الابرة ماتوا .. افيدوني .. اول شخص بعايلتنا يصاب بهذا المرض وما اعرف تبعاته ومراحله ومدى خطورة الكيماوي غير انه يساقط الشعر ويعدم حاسة الذوق .. الله المستعان . |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور