فعلا مهره
احيانا اتمنى يحطو دور للمسنين متقدمه
وموظفين يندفع لهم للوقوف ورعايه المسنين تحت رقابه
اهون من تحس انك عبء على اقرب الناس لك
ويجرحونك بنظره او كلمه او تافف

ما أدري والله هي أحسن والا لا!

آخر سنة من حياة أمي دخلت في غيبوبة تامة .. وما كان ينفع نخليها في البيت .. والمستشفى ما طاع يستقبلها باعتبار إن حالتها وصلت لمرحلة ما لها علاج.

فكان البديل هو دار الرعاية .. بس ما أدري كيف كانوا يتصرفون معاها يوم إحنا محد!

__________________


اللهم طِيبَ الأثر .. وحُسْنَ الرحيل.

ليش ماخليتوها عندكم وتجيبون شغاله تساعدكم عليهاانت واخوانك واخواتك مدام في غيبوبة يعني ماتاذيكم الله يرحمها ويرحم موتانا وموتى المسلمين

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

حطينا لها خدامة عشان تقعد معاها لما نكون في الدوامات .. لكن مرة كانت خدامة أختي عندنا .. ويومها قالت لي إنها شافتها تأذي أمي وتعصّب عليها.

أمي هذيك الفترة كانت صاحية .. بس لسانها كان بدا يثقل وما كانت تقدر تتكلم عدل.

حاولت معاها وقلت لها كل احتمالات الإيذاء اللي خطرت على بالي .. وطلبت منها على الأقل تحرك راسها بالإيجاب أو النفي عشان بس أفهم الخدامة شو سوت معاها بالضبط .. لكنها ما طاعت ترد .. وبس دموعها تنزل!!!!

وطبعاً حجزنا للخدامة بدون حتى ما نعطيها خبر وسفّرناها مباشرة.



محد يتحمل يا سديم .. حتى اللي يقبضون مقابل عملهم!!

__________________


اللهم طِيبَ الأثر .. وحُسْنَ الرحيل.