يالله كنك تقص لي سالفه خويي .. نفس السيناريو ونفس الحركات .. والله مشكله الا معضله اللي تطلب طلاق عشان يطلعها من شقه الى شقه .. طيب طال عمرك متى تراح ترضين علينا ولا نقعد ننقل من شقه الى شقه .. شارع شارع .. بيت بيت .. زنقه زنقه .. الظاهر النظام القذافي كويس مع بعض بنات جيل هالزمن ..

السبب اللي خلا الرجال مايرجعها انه .. خلاص ماعاد يضمنها ممكن تطلع له بسالفه ثانيه .. من مواضيع سفرني ولا اشتر لي .. ولا انا رايحه بيت اهلي والباقي عليك .. ماحست بمسووليه زوجها وتعبه ولا حطت نفسها مكانه ..

تصدق عند اثنين من الشباب ماتزوجوا اقولهم ليه .. يقولون كله بسببكم .. كل يوم والثاني جاءي واحد وعنده مشكله مع زوجته ورايحه بيت اهلها ..

والله اني القي اللؤم على الاهل ساعات .. ي اخي بنتك لو جاءت زعلانه وطالبه انها تجلس عندكم .. طبعا حسب المشكله ومانرضى ع بنات الناس الاهانه ولا الضرب لاسمح الله .. ي والدي هالزوجه .. رجع بنتك وعلمها ان بيتها هو استقرارها وهو محلها وهو معزتها .. للاسف بعض الاهل .. هلا ي بنتي خليكي وانا اخذ لك حقك ويبداء اللف والدوران واللت والعجن بينهم .. وتضيع ملامح المشكله وتقعد الى ان يتم طلاقها ..

السبب اللي خلاني اشوف ان بعض البنات يسون كذا باازواجهم .. انها ماشافت منهم الصرامه والحزم تجاه بيت الزوجيه .. دام في بديل من بيت وماده .. خلني اخذ حقي عن طريق بيت اهلي..

الله يصلح الحال ويرشد بعض النسوان الى طريقه الهدايه