الله يعطيكم العافية وماقصرتو على ردودكم ،، اعترف اني فعلا غلطت لما مابلغته بموعد الخروج ،، وغلطت لما قلت بدفع لك حق المشوار ،، بس هو لمتى بكل حوار يدور بيننا يمسك لي على كلام جارح !! يعني ثلاث سنوات زواج وباقي هو مثل ماهو على نفس الاسلوب اذا تناقشنا او تزاعلنا ،، انا ابي يغير من هالاسلوب خلاص انجرحت كثير منه رغم انه طيب وحنون واسمعه هالكلام علطول وامدحه وادعي له بوجهه ومن وراه ،، وهو زي ماهو مصر انه ينتقص مني بهالكلام الجارح اللي يقوله لي مع اني نبهته كم مرة لما نكون مروقين انه يضايقني كلامه هذا ويجرحني ولاحياة لمن تنادي،، حتى لما يشوفني متضايقة او زعلانة مستحيل يجبر خاطري بكلمة ،، احس اني مالي خاطر عنده ،، واحس ان طيبته وحنيته مو لشخصي انا وانما هذي هي طباعه مع الكل ومن باب مسؤوليته وبس،،

ارجع واكرر انا نسيت الموقف اللي صار رغم ان كلامه جدا جارح بس تغاضيت ومشيت وقاعدة الطف الجو بس للاسف مسوي نفسه زعلان ومخليني البارح لحالي وجالس مع جواله على الواتس بغرفة النوم ،، والاخت اللي تقول كيف يدري اني احتاج احد يونسني لما رفضت اروح لاهلي وجلست في البيت ،، بديهي يعني من يجلس معي مافي الا انا وهو في البيت،، والاخت كنافة ترى جالس بغرفة النوم مع جواله والواتس يعني هذي تسليته ماهو جالس زعلان ومتنكد ابد،،

عموما طلبت منه اغراض لاني بسوي حلو وقلت من بعد اذنك ابيك توديني زيارة لاهلي العصر وجاب لي الاغراض وافكر انام عندهم الليلة ،،

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..