السلام عليكم ..
بجاوبك ع سؤالك..
الرجال يحب الزوجه المخلصه المحبه لنفسها المهتمه بنفسها
الزوجه المطيعه المحبه المقدره له
لكن المحبه لاتتعدى حدود لاتوصل لمرحلة التقييد والسذاجه
وصية ام لبنتها ليلة زفافها(كوني له آما يكون لكي عبدا)
ذكرت الوصية عشان اعلمك خطوط ومبادئ الحب المتطلب من الزوجه
الآم تحب اطفالها بجنون في قلبها طبعا
تخاف عليهم لكن وحطي تحتها الف خط..
اذا غلط ابنها تحاسبه وتزعل منه
اذا خرج من البيت تستودعه الله لكن لاتتصل ولاتشغله اذا رجع تقابله بوجهه مبتسم وتقول اهلا حبيبي ابني نورت بدون اي معاتبه
اذا كان جالس في البيت تتركه يمارس هواياته واشغاله يجلس ع الاجهزه بدون تدخل او مضايقه
تسأله ابني تبغى عشا اسويلك شي بإبتسامه
اذا طلبت منه شي ابني حبيبي ابغى منك تحضر الاشياء الفلانيه من البقاله الله يرضى عليك
حتى لو نسي حاجه ماتزعل وتخاصم تكتفي بكلمة مو مشكله احضره اذا رجعت من مشوار
هذا عشق الام لاولادها ماتعاتب وتحاسب ع الطالعه والنازله وحطي تحت تعاتب الف خط تحب تشوفهم مرتاحين
تتعامل معاهم بكل حب بدون مبالغة او مضايقات او زعل
طول اليوم مشغوله في اهتماماتها واشغالها تجلس معاهم الجلسه العائليه المعتاده زي قهوة العصر للضحك والمناقشه واذا في امر مضايقها من ابنها تفتحه معه في جلسة القهوة المعتاده
فهمتي قصدي دحين فهمتي الوصيه؟؟
الرجل بطبعه حر يكره العتاب يكره المناقشه يكره السؤال ع كل شي يعتبره تحقيق
اصنعي عالم لحالك الرجل يحب زوجته تكوون غامضه بنفس الوقت واضحه يعني يحب يحس برجولته منك
اذا فيه امر بتسويه حسسيه انه الكل استشيريه قولي اش رأيك بكذا ..
بس العكس اقرأي كتب اشغلي نفسك بهواياتك لاتلصقي فيه خليه يمارس هواياته وانتي بعيده
تلاقيه يجي يطالعك يجلس معاك يعلمك كل شي يشتاق لحضنك يصير
اذا خرج لاتتصلي إلا للضروره فقط
الابتسامه هذي وصيتي لكل وحده
ابتسمي في وجه زوجك كل ماتشوفيه الابتسامه تسحر القلوب
وهذي طريقتي مع زوجي والحمدلله ولاتنسي الاستغفار له دور كثير الحمدلله يقلب حياتك جنه بعد الوصايا اللي فوق
ابتعدي عن الذنوب عن الاغاني عن الغيبه النميمه تأخير الصلوات خلي همك رضى ربي ثم رضى زوجك
زوجك جنتك ونارك
الله يسخر لك زوجك ويسخره لكِ

__________________