أهلاً بك ...
انت دائما تبث بداخلي روح الأمل..
انا احاول اتجنب اي حديث لأتجنب المشاكل معه..
فهو بطبعه مكابر واي نقاش يحاول يطلعني غلطانه..
انا مو قادره افضفض غير هنا ..
مع اني اليوم ارسلت رساله للوالد عن الي حصل ماقدرت اتسحمل ..
واتصل علي وزوجي جنبي سألني زوجي ايش يبغا فقلت له انا قلت لابوي كل شي..
وكلمني وحاول يسألني ويقول مته تعقلون انت وياهو.. فقلت مشغولة قال بعدين اكلمك..
زوجي قال خلاص قولي له مافيه شي امورنا زينه ..مارديت وطلعت وجاء وراي قال تعالي ابي اكلمك..
قال انا اوعدك كل شي يتحسن انشاالله. .
قلت له .. تر انا امس جايه وعلى طول بديت مشاكل ونقاش ..
وين التحسن ..!
قال برودك ينرفز .. قلت هاذي انا عجبتك والا بيت اهلي.
......
انا نفسيتي الى الان تعبانه ..
وانشالله أحاول المبادرة ..
ويعجز لساني عن شكرك ..

حبيبتي قريت ردودك وموضوعك والي لاحظته الاتي :

انتى غيري مابقلبك عليه انتي ماسامحتيه وبقلبك عليه لدرجه انك بينك وبين نفسك تكررين ياكرهك ماني طايقتك بس بينك وبينه تكتفين بالسكوت تعبير عن كرهك له

فكري بينك وبين نفسك انتى عندك شقه غيرك بغرفه ببيت اهله

انتي عندك بنات يستاهلوا لما يكبروا ويسيروا عرايس يزفونهم امهم وابوهم وعدم مسامحتك له يتعبك ويخلى المشاكل تكبر حتى لو غلط صغري الامور لا تكبرينها وهو ان كان يبصق ويشتم تربيه اهله هذى ياماما ادري انه يجرح وجرح كبير بعد بس خلي عندك اهداف معه واهداف لرجعتك كالتالي :

قولي بينك وبين نفسك

1/رجعت عشان رضى ربي وابوي وزوجي تصالحي مع نفسك وزوجك حتى لو بينك وبين نفسك

2/ حتى لو تفل وسب وشتم وتعامل معك بطفوله بحته ...بينك وبين نفسك اعرفي انه شخص ضعيف وتقدرين عليه بس بالكلمه الحلو

3/بناتك من حقهم يعيشون بين اب وام وابليس لا وسوس لك انك تكرهينه الخ ادحريه وتعوذي من الشيطان بالعكس قولي له كلمه حلوه عشانك اولا وبناتك وعشانه

4/انتى تزوجتى عشان تستقرين ومافى استقرار وتعايش مع شخص كارهته من داخلك اقلبي الصفحه واحرقيها وقولي لنفسك هذا زوجى حبيبي طالت الايام والا قصرت مابيبقى غيره اخواني لاهين وابوك الله يطول بعمره وامك رايحين من هالدنيا لذلك اصلاح نفسك وبيتك وزوجك كان الاولى

5/احمدى ربك ماهو مدمن او مريض او فاقد للعقل

6/قله التهذيب والاحترام تعالجينها بصبرك وبكلمتك الحلوه والروقان حبيه يامجروحه
(حبيييييييييه ) قوليله احبك ياغلى ناسي خلى الصفحه بيضا

7/زوجك بعد الرجعه مشتاق لك حتى لو كابر وعلى فكره ممارسه الجنس عند الرجال اعتذار لانو لو مايبى يصالحك ماقربك اصلا وخلاك زي الحيط

في المطعم لما قالك ليه مافتحتى المنديل دليل انه يبغاك تهتمين به

زوجك طفل وربي اذا اهتميتي فيه تعلق فيك وسمع كلامك ولا بيستغنى عنك

حطي ببالك نقاط اذا قريتي كلامى السابق زين ؛

لو بنيتي وتحسن لو واحد بالميه ثم سار موقف وسب وشتم اسكتى لان انتى ببالك هدف تعيشين بسعاده فزوجك لو تهور وغلط بعد ماتحسن معك لاتشيلين بنفسك وكملي معاه الطريق الى ابتديته وهو اصلاح هالاسره والعيش بسلام والسنوات كفيله به


زي الشخص لما يبغا اعلى المراتب وتلاقيه يحضر دكتوراه ومع ذلك صبر على السنين والدراسه ونسى شي اسمه روحه وجيه سخر حياته لهدف ونال بالاخير وارتاح

ربي يصلح شانك

__________________
ان لم تستطع التفاؤل ،،
فلا تخبر أحدآ أنك متشائم .

ليش تقوليله هذا انا ولا اروح بيت اهلي ؟؟
تدفعينه دفع للعناد ليش؟؟

انتي جربتي شعور الكره وبدا يضايقك
طيب جربي شعور الحب
خذيها حبه حبه
ماتحبين حبه لبناته ؟؟
فرحتهم بوجودهم مع ابوهم ماتسعدك ؟
لاتركزين على سلبياته بتضيقين صدقيني
فسري تصرفاته لصالحك
مثل سالفة المنديل
لما قال ليه ماتفتحينه
قولي لنفسك يبيني اهتم فيه مثل ماهو مهتم فيني
ويحب ( ركزي) اتعامل معاه بطريقه ترضيه وتسعده
ولا ممكن ببساطه يكون جاف ولا يتعامل معاي
اظن كلام اخوي محب للسنه كافي وجاب الزبده

اقريه من جديد
واحتسبي الاجر واصبري
مو معقوله لما يتلطف معك تقولين يتشنج القولون
هذي كلها امور نفسيه تقدرين بحديث النفس تتغلبين عليها
يعني لاتكررين كل شوي كره وأكرهه
قولي لنفسك احبه او عالاقل احب تصرفه هذا وتصرفه هذا

ومرادد لاتراددين
قوليله انا اسمعك للآخر
وابدا لاتعيدين سالفة اهلي
ولا تبينه يقول روحي احسن ؟؟
الله يصلح الحال ويسعدك يارب
هذي الدنيا ماتكمل لاحد
لكن نحاول نشوف الجوانب المشرقه فيها

ياليت نعرف نمط زوجك ببوصله الشخصيه

يظهر لي انه جنوبي بانتظارك

__________________
ان لم تستطع التفاؤل ،،
فلا تخبر أحدآ أنك متشائم .

اشكرك على ردك أولاً. .
كلامك صحيح هذا الي اقوله يبني وبين نفسي .. ياكرهك وغيره ..
لاكن الصراحه كلامكم غير مني شوي ..
وفعلا فرحة بناتي بأبوهم شي قطعقطع قلبي ..
مو مخلينه حتى الحمام يروح .. ويبكون يبونه.
انا فيني قهر مو قادره ابتسم وانسى وحاولت ..
بحاول اصارحه واقوله انه هاذي اخر فرصه ممكن اعطيك اياها..
عشان يعرف اني واصله حدي ..

اشكرك ..
الله يجزاك خير الجزاء يارب 🌹

اشكرك على ردك اختي. .
مو عناد الي فيني لاكن قهر ..
صحيح صمتي نرفزه.. و كلامي مختصر. .
بس مو قادره على الكلام الحلو له بس بحاول وبعتبرها اخر مره ..
بصارحه عن الي فيني واني كارهه حياتي لاكن انا بعطي نفسي واعطيه فرصه اخيييييييييره.
وان طلعت ماراح ارجع ابد..
ومثل ماقلتي بناتي فرحانين فيه ..
انشالله بحاول اتحمل ..
اشكرك لردك. .

أهلاً فيك. .
الشخصيات انا مو فهمتها
وحاولت ابحث عن شخصيته من قادره ..
فيه من كل حاجه شي ..
عجزت عن تحديد شخصيته..
برجع احاول وارد هنا ..

زوجك واضح فيه خير
انا ماقريت موضوعك الاول بس من خلال تصرفاته بعد رجوعكم واضح انه يحاول يغير من نفسه..
يمكن تربيته قاسية والا طريقة والده كذا مع امه..
عارفة مهما كانت الاسباب مايشفع له الخطأ بس يخفف من بشاعة الخطأ اذا عرف السبب..
انت فعلا محتاجة تكبي اللي بقلبك عليه..
قوليله انا ابي افتح صفحة جديدة بس ابيك تسمعني للنهاية وبدون تعليق بس علشان ارتاح واقدر ابدأ من جديد..
حاولي تختارين الألفاظ الاقل حدة وانت تفضفضين علشان ماتثيرين غضبه..
واذا عصب لا تزعلين كملي علشان ترتاحين..

وشيء ثاني ترا ايجابية كبيررررة جدا انه ماشاء الله متعلق بالبنات وهم متعلقين به..
ركزي على ايجابياته ولحظاتكم الحلوة ولاتحصرين نفسك بالسيئات والسلبيات

ربي يصلح شأنكم ويهدي قلوبكم

زوجك عندة اصحاب؟؟
ايش طموحاتة للمستقبل؟؟

انا ماودي احطمك بس زوجك ماراح يتغيير طول ماعقليته منحصرة
انه يسمع كلام أخواته وامة وقمة النشوة عنده لمايخطط معاهم عليكي
وضعة مره مزري
انا اشوف انك تشوفي إنتي ايش يسعدك ايش تبغين تطلعين منه من هذا الزواج
ايش طموحاتك ؟؟

بِسْم الله الرحمن الرحيم

أختي الفاضلة إقرئي كلام خاتم الأنبياء المرسلين سيدنا محمد صلى الله عليه و سلم بتمعن وتدبر

عن أبي هريرة، قال: قال رسول الله صلى الله عليه وسلم: «لا يفرك مؤمن مؤمنة، إن كره منها خلقا رضي منها آخر»

عن عبد الرحمن بن عوف، قال: قال رسول الله صلى الله عليه وسلم: " إذا صلت المرأة خمسها، وصامت شهرها، وحفظت فرجها، وأطاعت زوجها قيل لها: ادخلي الجنة من أي أبواب الجنة شئت "

هل فهمتي هذه الأحاديث الشريفه

أختي لا تحجري واسع لا تجعلي حياتك الزوجيه مع زوجك رهينة للتفكير المتشائم وتفائلي ولا تقولي هذه آخر محاوله كأنك تنوين على إنهاءها و بس
أنت في جهاد و أجر و خير وسعي مدارككي ولا تخنقي نفسك بالتشائم والتركيز على ماتكرهين بل فكري في قوله صلى الله عليه وسلم رضي منها آخر وهنا لا عبرة للتذكير فالحديث يخص المسلم والمسلمه
وتذكري قوله أدخلي الجنه من أي أبوبها شئت

وفي الختام أهدي نفسي و أهديكي والجميع هذا الحديث النبوي الشريف والله إنه جميل ويوسع الصدر

عن أنس، عن النبي صلى الله عليه وسلم: «لا عدوى، ولا طيرة، ويعجبني الفأل الصالح، الكلمة الحسنة»

تفألوا وتوقعوا الخير

هذا والله أعلم