شوفي حبيبتي يظهر لي إنك محتارة في الطريقة الصحيحة لتعاملك مع زوجك ،، وأنا أقولك وأنا متأكدة من نتيجة اللي اقوله (ابحثي عن رضا ربك في معاملتك لزوجك وبس) والله العظيم لو اقنعتي نفسك إنك تتعاملي مع ربك وإنك بالنهاية تبحثي عن رضاه وماتستني أبد أجر أو نتيجة من أحد راح ترتاحي كثير وتحسي بهدوء وسكينة ، وبعدين حاولي تحسسين زوجك بمكانته عندكم أنتي وطفلك وعلطول اشكريه وادعي له قولي الله لايحرمنا من وجودك ، الله يعطيك العافية ، وماتقصر أبد ،، تدرين حبيبتي لما أبي أطلب من زوجي شيء وأنا شبه مقتنعة أنه راح يرفض أقوله من بعد أمرك والامر بالاول وبالاخير راجع لك لانك زوجي وتاج راسي وأطلب الطلب الفلاني ،، والله إنه يقول ابشري ومايرفض مع إن الطلب أحيان متأكدة أنه بيرفضه ،، كذا تعاملي مع زوجك وكذا هم الرجال يبون الزوجة تحسسهم بمكانتهم وبوجودهم وأهميتهم في حياتها،،

نصيحة حبيبتي حاولي تتقربي من زوجك واجعلي ذلك لوجه الله لان في النهاية الواحدة مالها الا بيتها وزوجها واولادها مهما عزوها أهلها ،،

استخدمي كيد الحريم + أنوثتك + حسسي زوجك بأهميته ومكانته في حياتك = حب زوجك وتدلليله لك وتلبية رغباتك

بعدين حبيبتي اللي فات مات أنسي عشان ترتاحي وأبدأي صفحة جديدة وتعاملي مع الله،،

الله يهدي لك زوجك ويريحك ويسخركم لبعض يارب،،

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

مع هذا الرد 👍

ههههههه
سبحان الله سلوبك نسخة من سلوب زوجتي الله يحفظها
اذا بغت شي تسخدم نفس الطريقة..ومارد لها طلب سبحان الله
الاسلوب لة دور بحياة الزوجين
بصراحة ردك اختصر جميع الردود وحل جذري ولكن يحتاج الصبر
وخاصة مع زوج الاخت مجروحة لانة سلوب جديد
الله لايحرمك الجنة على ماكتبتي

__________________
سبحان الله وبحمده سبحان الله العظيم

جزاك الله خير وفعلا الاسلوب له دور في الحياة الزوجية ،، والحياة الزوجية برمتها يبي لها صبر،،

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..