هيدا عشانا اليوم
وتسلميلي حبيبتي مؤيدة 😙😙😙😙
وحبي ملك شادي بعتذر عالتأخير
متل ما قلتلك كتير سهلة الفاصوليا
اول شي بتهرسي راس توم وبتقليه شوي بزيت نباتي
وبتكوني فارمة رزمة كزبرة خضرة بتحطي نصفها فوق الثوم وبتتركي الباقي لبعدين
وبس تذبل شوي بتضيفي ماء مع رب البندورة
وبس تغلي بتضيفي نصف كيلو فاصوليا مسلوقة
وملح وبس تغلي وتحصلي عالمرقة المزبوطة بتضيفي النصف الباقي من الكزبرة الخضراء وبتطفي النار
واذا بدك تحطي معها لحم بتقلي اللحمة مكعبات قبل الثوم او لوحدها وبعدين بتضيفيها
وفيكي تسلقي كوتليت او رياش على جنب وكل شخص بحط فوق الفاصوليا متل ما بدو
نحنا اجمالا ما بناكلها مع اللحم
وبتعملي رز على جنبها
وبتجي طيبة وقت الاكل كل شخص يعصر حامض عليها
وصحا وهنا حبيبتي 😙😙😙😙

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه