🌹اختي المجروحه
عزيزتي انتي مو محتاجه طلاق حالياً
محتاجه فقط
تعززين ثقتك بنفسك

لاحظي موضوعك السابق
تحاولين ترضين اهله
تحاولين تكسبينهم
ومع هذا ولا همهم
كنت صريحه وقلتي يهمك كلام الناس ( الصراحه هنا جزء من العلاج على فكره )
واذا اهل زوجك مارضوا ؟؟
واذا الناس قالو تطلقت ؟؟؟
واذا اهلك يقطون كلام ولا يضايقونك ؟؟
خير ياطيييير
!!؟
المفروض كل اللي فوق ماتفكرين فيه
فكري بنفسك انتي وبس
فكري بمنظرك وانتي تنهانين
فكري بنفسك اذا جلستي لحالك في بيتك تبكين
وينهم هالناس مايجون يطبطبون عليك عالاقل
فكري بمنظرك قدام بناتك
وقت هواشك مع ابوهم
بالله اي نفسيات بيحملونها
الا بيشيلون عقد او خوف

انتي محتاجه تبنين ذاتك من جديد
فكري بمستقبل حياتك مع زوجك لو رجعتي
لو رجعتي الحين مثل ماانتي عليه نفسياً
بترجع نففففس المشاكل ( التافهه)
لا وتأكدي
الحين زوجك يسوي خدامات ويتلزق باهلك
لانك اول مره تجلسين عندهم كل هالمده
بكره بيسحب عليك وبيتعود على زعلاك
هذا اذا ماتزوج وعاش حياته ويمكن مايطلق عناد ويمكن يطلق وتكونين باضعف حالاتك
لانك ساعتها بتصورين ان الطلاق نهاية العالم
لان هذي الفكره براسك حالياً واللي يزرعها مجتمعك من حولك فييك


احمدي وبك ان ابوك جبر بخاطرك بردهم عن ان احد يضايقك
وبالنسبه لامك موجديده هذي طريقة الامهات بالاقناع
تضغط تضغط تظن انها تلزمك بالصح
هذا تفكيرها طيب مالك الا انك تسمعين باذن وتطلعين من اذن
بس اهم شي اخدميها لله


مااشجعك على الطلاق ولا اعارضك عليه
فقط استرخي وحددي بورقه شروطك
وحددي الاهم فالمهم
بالنسبه لاهل زوجك رضاهم مش هدف
صيري رسمي معهم
زوجك اذا رجعتيله لاتشدين معه علشان لايمد يده
لان يبدو متعود على هالشي ومحتاج يبطل هالعاده

اما المشاوير
اهم شي الطبيب والدراسه
ولا مشاوير الاهل ملحوق عليها
اهم شي تعامله هو معك وتعاملك معاك


اذا عندك رغبه بالطلاق استخيري
ولو بترجعين لازم شروط وايضاً استخيري
ولاتنسين اهم شي استعيني بالله واستعيدي ذاتك

سلااام