أي ..
أنا بعد لهجتي صارت نص ونص ..
شسوي زيون ..؟
14 سنة في قطر .. السنة فيها 365 يوم ..
أقضي منها قولي 40 يوم في البحرين والباقي في قطر ..

صباح السعاده والشوق 💞

__________________
-

فأجبر خَاطري .. بفيّض نعَمك ❤ ....

بنات والله اشتقت لصديقاتي 💔

البارحه جالسه اتقلب اتقلب ماقدرت انام الين اذن الفجر حس شي بداخلي كأنه خالي مدري كيف اوصف لكم وربي وربي حاولت انساهم بس اكثر من 6 سنين يمكن 8 سنين صعب نسيانهم بيوم وليله 💔

__________________
-

فأجبر خَاطري .. بفيّض نعَمك ❤ ....

هاجر ونيسانه ومريم وأمة الرحمن والبقية وينكم
أبي أقول حاجات وأبي أسمعكم

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

موجودة يا قلبي كلي آذان صاغية..

أهلين مريم
بداية ما داومت اليوم!

بداخلي تساؤلات كثييرة والأهم مواقف أبي أبوح فيها واسمع رايكم!!
للدرجة تراودني فكرة هالأيام الطبيب النفسي!!
بس شي بداخلي إلى الآن يقول لا!

من جد من جد أنا" تايهه" وأبي أشوف بغير عيوني، وأفكر بغير عقلي
وأرتاح هذا أهم شي

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

الله يطمن قلبج ويريح بالج ..
ابدأي بالمواقف ..

أببدأ بمواقف صغيرة ومع مرور الوقت ومساعدتكم لي ممكن استرسل!
بس لازم تعرفون إن نقطةسيئة فيني ما أعرف أتكلم من نفسي لازم أحد يساعدني ، ولما تكتبون لا تقولون بتزعل ، أو تتضايق !!
أنا في مرحلة" غربلة" لذاتي ممكن يطلع منها شخص جديد " أفضل"!

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

خلينا أبدأ باللي كاتب موضوع يبي زوجته تولد عنده!
على طول جا في بالي حياتي واللي عندي
يكره تواجدي في البيت، ويطير من الفرح لما أطلع
يتعب نفسياً لو ما أروح لأمي كل اسبوع
من بداية زواجي كان فارض علي اجازة نهاية الاسبوع عند امي ويجيني بالليل بكره دوام عشان ياخذني!!
ما عمره جلس يسولف معي، مع إنه بجلسته لحاله جواله ما يطيح من أذنه.
حتى جلسة قهوة وشاهي ما فيه ! ودائماً يلمح لي إن قريبه عايش بالمجلس والباب اللي بينه وبين الصالة مسكر على طول ، وزوجته تحط له الشاهي والقهوة عند هالباب وهو يطلع ياخذهن ويرجع مجلسه!!( تلميح إني أسوي زيها)
إذا حملت روحي لاهلك، وإذا ولدت روحي لاهلك ويزيد على ايام النفس شهر اثنين من عنده ما عنده مشكلة!
هاللي يبون حريمهم يولدون عندهم هم الطبيعيين وإن بالغوا
زوجي يستمتع في إنه " ينحاش"
هل هذا طبيعي، وليش هو كذا؟!

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

أختي أول زواجها زوجها كان يرفض تنام عندنا ، زوجي يتهاوش معي ويردد مليت منكم ومن وجهكم قدامي روحوا!!
من بداية زواجي يرميني الاجازة
ما عمره قال لا أبيكم أو حتى يسكت أروح لاهلي أو اجلس براحتي ، لااا لازم يتكلم
مع إنه 24 ساعة بالبيت وهالشي يطفشني هو الرجال اللي لازم يطلع لكن ما يتحرك ويقول مليت منكم!!

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.