لا تقولين " ابي ينتهي الزعل عشان نبدأ من جديد "
ترى يبدأ تغيرج الفعلي من تكونين في وقت الزعل
وتختبرين نفسج وقدرتج على ضبط انفعالج
لان وقت اللي ينتهي الزعل اساسا ما تحتاجين جهد في ضبط النفس
لان الحالة بتكون مستقرة


ارد اكرر .. تعلمي من اللي صار لي
ما ابي لج تنصفعين مثلي عشان تتغيرين
ترى الامر متعب وايد يا صديقتي

طبعا لا......

__________________

منفرده

قلتي بايام الملكه كان مندفع ناحيتك بقوة وبالمقابل حسيتي بنوع من الطفش

احساسك وقتها .. نفس احساسه الان
فاخففي هذا الاندفاع واشغلي نفسك ببنتك


رومانسية شهر العسل مستحيل تطول طول العمر بنفس القوة
هذا الطبيعي كونك فهمتي إن شاء الله هذا الشي راح يستمر واقنعتي تفسك
غلطتك فالازم تتحمليها

قولي الحمدلله انك عشتيها وذقتيها اساسا
غيرك ماشافوها لا بعسل ولا ببصل

زوجك طيب ويموت فيك بس لا تخنقيه

__________________
سبحانك لا اله الا انت اني كنت من الظالمين

ما راح اخنقه..

مقرره التالي :
اصبر ليوم الثلاثاء يوم مراجعة بنتي بشوف كيف راح يتصرف
يتواصل معايا ولا لا
ان جا بروح معاه واكيد راح ينفتح الموضوع راح اعتذر عن جملتي بجملة مختصرة زي ما قال عضو قديم
بس ينتهي هالحوار ويخلص أموري ويديني مصروفي بعدها راح احذف رقمه من جوالي علشان ما اشوفه لا واتس ولا غيره

واعيش حياتي والتفت لكثير شغلات معطلتها اما اني منشغلة فيه او اني مكتئبه منه ...

وراح يعرف من نفسه بفترة سفره اني ما لاحقته مو بس كذا ومافضيت له كمان

__________________

وان سحب عليك وما جا الثلاثاء

منفرده خليك متواااازنه لا مقفيه بزعل ولا مقبله باندفاع

يقول مستشار اسري نسيت اسمه بالضبط

" ان اي زوجه تلاقيها لااااصقه بزوجها وهو يتشكى انها لاصقه فيه وووو
اعرف انه حبها بقووووووه ثم بدا يتوازن في حبه
وهي تريد ما قد عودها عليه في اول لقاءهم
وتظن انه لم يعد يحبها وهذا ليس بصحيح

وفي الحقيقه هو في مرحلة توازن وهدوء بعد ان اصبحت زوجته وحبيبته
فبدات مشاعره تتوازن ولكن الحب موجود والا لطلقها لو لم يكن يحبها
ولو اعطته فرصه بانه حر نفسه لعاد لها كالاول واحسن لان اساس الحب موجود
لكن المراة عاطفية بطبيعتها وتريد تاكيد الحب دااااءما "

صدقيني لو شافك لما جاكم بيتكم طايره ببنتك ومتشاغله فيها وتبوسيها وتدلعيها
ليجي يلفت انتباهك له بكل وسييييله
لكنه شافك ما زلتي مهتمه فيه وبالك كله معه.. رغم وجود مولودتك بين يديك!!

طبيييييعي بيتغلى

منفرده
حلك هو التوازن التوازن التوااااازن..

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

ما راح اقبل بزعل .. راح اخليه يتنفس دامه مخنوق بس برضا
بنهي الخلاف وبعدها يبعد واحنا مو زعلانين .. ع الأقل الزعل الظاهري .. ولا اللي بالقلب بالقلب ..<< فتحت مجال ع نفسها
عموما عندي ما يشغلني بس انا افضي نفسي له
وفعلا لما يجي هو يلعب البنت وانا ابغاه يفضى لي ..
لكن خلاص ما عاد برتجي منه شي وعلى ايش اتعب نفسي معاه
ان جا ع قولكم بعيش معاه اللحظه بس علشان نفسي وان راح الله معاه
بوصل للتوازن .. انا اخذ فترات اتغير وارجع انتكس بس هو يشوفها مو انتكاسه لا يشوفني طالعه فوق بس أوقف اوقات ..
لكن بالإصرار كل شي يصير.


مبتعثه ما أتوقع انه ما يجي الموعد هذا شي خارج المشاكل ..

__________________

الله يسهل لك دربك

منفرده لو بيوم شفتي مسج من زوجك لزوجته الاولى
او تصرف يدل انها غاليه عليه جدا وان يكن لها من المشاعر مثلك ...
كيف بيكون تصرفك...؟؟

اتمنى يامنفرده واتمنى ماتزعلي من كلامي انك تنضجي عاطفيا بودي اعرف كم عمرك ؟
منفرده مع المعدد وخوذيها مني ومتأكده منها
تبغي تعيشي معاه براحه اتأقلمي معاه ان له زوجه واسره مسؤل عنهم ولهم فيه مالك وشيلي الغيررره من قلبك
ارضي بحياتك ولا يكون هو مركزها اعطيه حقوقه مع قليل من الاهتمام واحترررررررررررررميه بساعة الزعل والرضا
مو وقت انتي راضيه عليه طيرتيه السماء ووقت زعلك خسفيتي به الارض هالتصرف مايرضي ابو زوجه وحده فما بالك بزوجتين واسرتين وبيتين وانتي ببداية حياتك معاه
لسى القادم مسؤليات اكبر اختلافات وتصادم اكثر شو بتسوي بعدها وكيف تتصرفي ساعتها خلي بنيانك من البدايه صح عشان مع الايام يكون ثابت مايهتز ...

__________________
(سيدة الموقف)
لم ننساك ونسأل الله ان تكوني أنتي وأولادك بخير

البنت ما طلبت شي

ولا أجرمت

كل السالفه ان زوجها ما يفهم ..

هي تبي تحس به ..بوجوده ..اهتمامه ..

وهو يسوي العكس ..

والمشكله انها فااااهمته تماااام .. هو له هدف وهدفه مستحيل
هالايام لذلك بايع وما يقبل عليها ..

هي تبيه يحسسها انه يحبها ومهتم فيها بأي حال كانت خاصة بعد ما صارعت الموت لإنجاب طفلته للدنيا .

في ايش غلطت انا ما ادري
لا احد يحملها الغلط ..لها كل العذر
بس للأسف الرجل يبقى رجل واذا بغى مخرج من تقصيره او امر توهق فيه مع زوجته لاااااااازم يلف ويدور ويتصيد الكلام عشان يخليها هي الغلطانه ويلعب دور الزعلان

ساعتها الزوجة المسسكينه تنصدم .. واو ياللهول زعل علي انا ليش قلت كذا انا ليش سويت كذا .. وتبدا تتأسف وتتلطف وهو مره زعلان وش هالحرمه اللي تسوي كذا ويعطيها الفيس الملعون وفي داخله كليون فيس فاطس ومتشقلب ومتشقق ضحك ووناسه انه نساها الزعله الاساسيه واخذ خط فرعي هو بس اللي فيه مسيطر ومتحكم ..
المهم ولما يتكرم عليها ويرضى تكون هي ما صدقت انه رضى وتنسى زعلها ويبدا هو بعد ما هدت عاطفتها الانثويه الجامحه يقفل الموضوع بهدووووء وكل سلاسه بكلمتين منه والسلام ..


حبيبتي منفرده هالدراما كلنا نعيشها
الرجال كلهم كذا .. مالت عليهم

انا ابشرك كل مره ازعل ويسوي بعلي هالحركات بأكون ذكيه
وماراح اعديها لها بس للأسف يحبكها صح وانا اصدق اني غلطت غلطة شنيعه .. وبعد ما تهدا الامووووور اكتشف انه لعب علي واضحك ع نفسي ..

موقف ..
في اول شهور زواجي كنت عند اهلي وزوجي في نفس المنطقه بس انشغل باعداد ماده فلميه هو وزملائه لمناسبة ذيك الايام .. المهم مرت 4 ايام لا اتصل علي ولا ارسل شي نهائي ودقيت عليه كذا مره مارد .. المهم بعد اربع ايام جا واستقبلته عادي وفي نيتي اعاتبه بس بعدين يعني مسويه عاقله المهم لما جلسنا قال لي بننبرة زعل ووجهه حزين مره .. ليش ما تتصلين علي
.......................
........................
ع طول قلت لنفسي ايه صح انا مقصره مفروض اتصل اكثر من مره >>>>>>> أم الغباء
من جد جملته حسستني اني انا المقصره وهو مسكين مشغول ما يمديه يفضى لي خمس ثواني يكتب اشتقتلك او وحشتيني ..
وقمت اتعذر وأتأسف وهو بكل نشوة انتصار وفرح قال حسستيني ان مالي وجود بحياتك !!!!!

يستاهلون الحرق والشنق والطرق العنيف بالفؤوس على الرؤوس



اعتذر ع الرد يمكن ما يفيدك وترى مدري وش انا كاتبه الصيام مؤثر علي ....

__________________
استغفر الله العظيم وأتوب إليه .. سبحان الله ..الحمد لله.. الله أكبر